अछाम । अछाममा छाउगोठमा सुतेका दुई जनाको भीरबाट खसेको ढुंगाले किच्दा मृत्यु भएको छ भने एक जना घाइते भएकी छन् ।
पञ्चदेवल विनायक नगरपालिका–८ सेलापानीस्थित चुरखोली टोलकी ३५ वर्षीया निम खनाल र मंगलसेन नगरपालिका–६ निवासी सात वर्षीया कविता भण्डारीको छाउगोठमै मृत्यु भएको जिल्ला प्रहरी कार्यालय अछामका प्रमुख ओमप्रकाश खनालले जानकारी दिए ।
घटनामा कविताकी आमा घाइते भएकी छन् । उनलाई उपचारका लागि स्थानीय स्वास्थ्य चौकीमा पठाइएको प्रहरीले जनाएको छ ।
घटनापछि प्रहरी निरीक्षक टेकबहादुर देउवाको नेतृत्वमा टोली घटनास्थलतर्फ प्रस्थान गरेको जिल्ला प्रहरी कार्यालयका नायब उपरीक्षक खनालले बताए ।
यो खबर पढेर तपाईलाई कस्तो महसुस भयो ?
प्रतिक्रिया