बंगालको खाडीबाट जलवाष्पयुक्त हावा भित्रिँदै, लुम्बिनी, कोशी र बागमतीकामा वर्षाको सम्भावना

काठमाडौं । मनसुनको न्यून चापीय रेखा सरदर स्थानको दक्षिण तर्फ अवस्थित रहेकोले नेपालमा मनसुन केही कमजोर रहेको मौसम पूर्वानुमान महाशाखाले जनाएको छ । तथापि, बंगालको खाडीबाट जलवाष्पयुक्त हावा भित्रने क्रम रहिरहेको छ।

विभागका अनुसार अहिले देशभर सामान्यतया बदली रहेको छ । कोशी, बागमती, गण्डकी र लुम्बिनी प्रदेशका केही स्थानमा मध्यम वर्षा भइरहेको छ भने कर्णाली प्रदेशका पहाडी भूभागका एक–दुई स्थानमा हल्का वर्षा भइरहेको छ ।

आज दिउँसो बागमती, गण्डकी र लुम्बिनी प्रदेशको तराई तथा पहाडी भूभागसहित अन्य पहाडी क्षेत्रका थोरै स्थानमा र बाँकी तराई क्षेत्रका एक–दुई स्थानमा मध्यम वर्षाको सम्भावना छ ।

त्यस्तै, लुम्बिनी प्रदेशको तराई तथा कोशी र बागमती प्रदेशका पहाडी भूभागका एक–दुई स्थानमा भने भारी वर्षा हुने पूर्वानुमान विभागले गरेको छ ।