काठमाडौं । टप एण्ड टी–२० सिरिजअन्तर्गत नेपाल र बंगलादेश ‘ए’ बीचको खेलमा बंगलादेश ‘ए’ ले नेपालसामु १८४ रनको लक्ष्य प्रस्तुत गरेको छ ।
अस्ट्रेलियाको नर्दन टेरिटोरीमा टस जितेर पहिला ब्याटिङ गरेको बंगलादेश ‘ए’ ले निर्धारित २० ओभरमा ६ विकेट गुमाएर १८३ रन बनाएको हो ।
टोलीका ओपनर जिशाद आलमले सर्वाधिक ७१ रनको महत्वपूर्ण योगदान दिएका थिए भने अफिफ हुसैन ४८ रनमा अविजित रहे ।
नेपालका बलिङ टोलीका लागि रिजन ढकालले २ विकेट लिए। त्यसैगरी, करण केसी, सन्दीप लामिछाने र नन्दन यादवले समान एक–एक विकेट लिए । नेपाललाई जितका लागि २० ओभरमा १८४ रनको लक्ष्य प्राप्त गर्नुपर्नेछ ।
यो खबर पढेर तपाईलाई कस्तो महसुस भयो ?
प्रतिक्रिया