रविले कारागारको भित्तामा लेखे– ‘अब कृष्ण जन्मिने छैन, जन्मेकाहरु कृष्ण बन्नुपर्नेछ’

काठमाडौं । राष्ट्रिय स्वतन्त्र पार्टीका सभापति रवि लामिछानेले राजनीतिक प्रतिशोधले आफूलाई जे भए पनि डराउन नदिने बताएका छन् । 

रुपन्देही कारागारबाट नख्खु कारागारमा सरुवा हुँदै भैरहवा विमानस्थलमा पार्टीका उपसभापति स्वर्णिम वाग्ले र प्रवक्ता मनिष झासँग उनले यस्तो बताएका हुन् ।

प्रवक्ता मनिष झाले भने, ‘उज्यालो अनुहारमा सेतो सर्ट र खरानी पाइन्ट लगाएर कारागार सरुवा भएको खबरले उनलाई डराएको छैन।’

लामिछानेले भैरहवामा १२६ दिन बसेको बताए र सबै नेपालीप्रति आभार व्यक्त गरे। उनले भने, ‘पुरै नेपाल मेरो घर हो । सबै नेपाली मेरो आफन्त हुन्। भैरहवामा मसँग भएको हावा, यहाँका आमा(बुवा, दाजुभाइ(दिदीबहिनी र सुरक्षा कर्मचारी सबैप्रति म आभारी छु ।’

उनले थपे, ‘राजनीतिक प्रतिशोधले जे गर्न सक्छन्, म त्यसका लागि तयार छु। मैले बसिरहेको कोठाको भित्तामा पनि लेखेको छु अब कृष्ण जन्मिने छैन, जन्मेका भने कृष्ण बन्नुपर्नेछ। मैले न्याय माग्दा प्रतिशोध देखियो, तर म डराउँदिनँ । म जनताको अदालतमा विश्वास गर्छु र परिवर्तनका लागि सबै त्याग गर्न तयार छु ।