काठमाडौं । सुनसरी कारागार कार्यालय झुम्काबाट मंगलबार राति एक कैदी फरार भएका छन् ।
जबरजस्ती करणी मुद्दामा कैद भुक्तान गरिरहेका खोटाङको दिप्रुङ चुईचुम्मा गाउँपालिका–२ का २८ वर्षीय रूपक पौडेल खत्री कारागारको पर्खाल चढेर भागी फरार भएको प्रहरीले जनाएको छ ।
खत्रीको खोजीकार्यका लागि सशस्त्र प्रहरीको सुरक्षा बेस झुम्का र नेपाल प्रहरीसहितको संयुक्त टोली खटिएको छ ।
२०६९ साल कात्तिक २३ गते पनि सुनसरीको झुम्का कारागारबाट ११ कैदी भागेका थिए ।
यो खबर पढेर तपाईलाई कस्तो महसुस भयो ?
प्रतिक्रिया