फिफा वरीयतामा नेपालको महिला टोलीको छलाङ, १३ स्थान माथि उक्लियो

काठमाडौं । फिफा वरीयतामा नेपालको महिला टोलीले छलाङ मारेको छ । विश्व फुटबल महासंघ (फिफा)ले बिहीबार सार्वजनिक गरेको नयाँ वरीयतामा नेपाल ८७ औँ स्थानमा छ । यसअघि १ सय स्थानमा रहेको थियो । 

नेपालको महिला टोली कुल १२४८.८९ अंक प्राप्त गर्दै १३ स्थान माथि उक्लेको हो । 

एएफसी छनोटमा नेपालले लाओसलाई ९–०, दोस्रो खेलमा श्रीलंकालाई ८–० ले हराएको थियो भने समूह चरणको अन्तिम खेलमा उज्बेकिस्तानसँग ३–३ को बराबरी गरेको थियो । टाई ब्रेकरमा ४–२ ले पराजित हुन पुगेको थियो । 

यसैगरी भारत सात स्थान सुधार गर्दै ६३ स्थानमा उक्लेको छ । बंगलादेश २४ स्थान सुधार गर्दै १ सय ४ स्थानमा उक्लेको छ । पाकिस्तान ३ स्थान सुधार गर्दै १ सय ५४ मा उक्लेको छ । श्रीलंका भने दुई स्थान तल झर्दै १ सय ६१ औँ स्थानमा पुगेको छ । भुटान ८ स्थान सुधार गर्दै १ सय ६३ स्थानमा उक्लेको छ ।