आइतबार सुनको मूल्य ह्वात्तै बढ्यो, तोलाको कति ?

काठमाडौं । साताको पहिलो दिन आइतबार नेपाली बजारमा सुनको मूल्यमा ठूलो वृद्धि भएको छ ।

नेपाल सुनचाँदी व्यवसायी महासंघका अनुसार छापावाल सुनको मूल्य शुक्रबारको तुलनामा आज तोलामा ३४०० रुपैयाँले बढेको हो ।

महासंघले जनाएअनुसार आइतबार छापावाल सुनको मूल्य तोलामा १ लाख ९६ हजार ५०० रुपैयाँ कायम भएको छ । शुक्रबार उक्त सुनको मूल्य १ लाख ९३ हजार १०० रुपैयाँमा कारोबार भएको थियो ।

सुनसँगै चाँदीको मूल्य पनि बढेको छ । शुक्रबार तोलामा २ हजार २३५ रुपैयाँमा कारोबार भएको चाँदी आइतबार १५ रुपैयाँले बढेर तोलामा २ हजार २५० रुपैयाँ पुगेको महासंघले जनाएको छ ।