काठमाडौं । बागमती प्रदेशका मुख्यमन्त्री बहादुरसिंह लामाले तीन जना सांसदलाई मन्त्रीमा नियुक्त गर्ने तयारी गरेका छन् ।
मुख्यमन्त्री लामाका प्रमुख स्वकीय सचिव छत्रबहादुर लामाका अनुसार, प्रदेश सभा सदस्यहरू गोविन्द लम्साल (धादिङ), गीता गुरुङ (चितवन) र माया श्रेष्ठ (चितवन) लाई मन्त्री नियुक्त गर्न लागिएको हो ।
लम्साललाई आन्तरिक तथा कानुन मन्त्रालय र श्रेष्ठ र गुरुङलाई क्रमशः सहकारी र युवा खेलकुद मन्त्रालयको जिम्मा दिने तयारी छ । यद्यपि, मन्त्रालय परिवर्तन पनि हुन सक्ने छ ।
उनीहरूलाई आज बिहान ११ बजे शपथ दिलाउने तयारी भइरहेको छ ।
बागमतीमा कांग्रेसले सम्हालेको ५ वटा मन्त्रालयमा मन्त्री रिक्त छन् । ९ साउनमा चार जना र १३ साउनमा १ जना मन्त्रीले राजीनामा दिएर लामाविरुद्धको अविश्वासको प्रस्तावमा हस्ताक्षर गरेका थिए ।
लामाले हिजो कांग्रेस संसदीय दलको नेताको हैसियत गुमाएका थिए । मंगलबार भएको मतविभाजनमा उनको पक्षमा १५ मत मात्र पर्यो । उनको विपक्षमा भने २२ मत परेको थियो ।
यो खबर पढेर तपाईलाई कस्तो महसुस भयो ?
प्रतिक्रिया