अमेरिकी डलरसहित अधिकांश विदेशी मुद्रा महँगियो

काठमाडौं । अमेरिकी डलरसहित अधिकांश विदेशी मुद्राको विनिमय दर महँगिएको छ । नेपाल राष्ट्र बैंकले मंगलबारका लागि सार्वजनिक गरेको विनिमय दर अनुसार अमेरिकी डलरसहित अधिकांश प्रमुख विदेशी मुद्राहरूको भाउ सोमबारको तुलनामा महँगिएको हो ।

राष्ट्र बैंकका अनुसार अमेरिकी डलरको खरिद दर सोमबार १३६.९९ बाट मंगलबार बढेर १३७.२८ पुगेको छ भने बिक्री दर १३७.५९ बाट बढेर १३७.८८ मा पुगेको छ ।

यस्तै युरो, पाउन्ड, क्यानेडियन डलर, सिंगापुर डलर, जापानी येन, चिनियाँ युआन, साउदी रियाल, कतारी रियाल लगायतको विनिमय दरमा पनि वृद्धि देखिएको छ ।

नेपाल र भारत सरकारको सम्झौता बमोजिम भारतीय रुपैयाँ भने स्थिर रहेको छ ।

हेर्नुहोस्, हिजो (सोमबार) र आज (मंगलबार)को विदेशी मुद्राको विनिमय दर