देशभर मनसुनी प्रभाव, केही स्थानमा भारी वर्षाको सम्भावना

काठमाडौं । देशभर मनसुनी प्रणालीको प्रभाव सक्रिय रहेको मौसम पूर्वानुमान महाशाखाले जनाएको छ । मनसुनको न्यूनचापीय रेखा सरदर स्थानको आसपास रहेकाले अधिकांश प्रदेशमा वर्षा र बदलीको अवस्था देखिएको छ।

बिहीबार बिहान कोशी, बागमती, गण्डकी, कर्णाली र सुदूरपश्चिम प्रदेशका विभिन्न क्षेत्रमा वर्षा भइरहेको छ। दिउँसो पहाडी क्षेत्रहरूमा सामान्यतया बदली रहनेछ भने बाँकी भागमा आंशिक बदली रहने अनुमान गरिएको छ।

दिउँसो बागमती, गण्डकी, लुम्बिनी र सुदूरपश्चिम प्रदेशलगायतका पहाडी क्षेत्रका धेरै स्थानहरूमा र अन्य भागका केही स्थानहरूमा मेघगर्जनसहित हल्कादेखि मध्यम वर्षा हुने सम्भावना रहेको छ।

कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका एक-दुई स्थानमा भारी वर्षाको सम्भावना पनि गरिएको छ। साथै, देशका उच्च पहाडी तथा हिमाली भेगमा हल्कादेखि मध्यम वर्षा र हिमपात हुन सक्ने महाशाखाले जनाएको छ।

रातिको समयमा पनि देशभर सामान्यतया बदली रहनेछ। कोशी, बागमती, गण्डकी, लुम्बिनी र सुदूरपश्चिम प्रदेशका धेरै स्थानमा र अन्य भागका केही स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ।

त्यसैगरी, राति कोशी, मधेश, बागमती, गण्डकी, लुम्बिनी र सुदूरपश्चिम प्रदेशका एक-दुई स्थानमा भारीदेखि अति भारी वर्षा हुन सक्ने पूर्वानुमान गरिएको छ। उच्च पहाडी र हिमाली क्षेत्रमा हल्कादेखि मध्यम वर्षा तथा हिमपातको सम्भावनासमेत रहेको महाशाखाले जनाएको छ।

महाशाखाले वर्षाका कारण पहिरो, बाढी तथा यातायातमा अवरोध आउन सक्ने भन्दै सतर्कता अपनाउन आग्रह गरेको छ।