कञ्चनपुरमा जीपको ठक्करबाट मोटरसाइकल चालकको मृत्यु

काठमाडौं । कञ्चनपुरको वेदकोट नगरपालिका–३ दैजी बजारमा जीपले मोटरसाइकललाई ठक्कर दिँदा एक जनाको मृत्यु भएको छ । 

जिल्ला प्रहरी कार्यालयका अनुसार विपरीत दिशाबाट आएको जीपले मोटरसाइकलमा सवार  ४१ वर्षीय दीपक चन्दलाई  ठक्कर दिँदा उनको मृत्यु भएको हो । दुर्घटनामा गम्भीर घाइते भएका चन्दको महाकाली प्रादेशिक अस्पतालमा उपचारका क्रममा मृत्यु भएको हो । 

घटनापछि ठक्कर दिने जीप र चालकलाई नियन्त्रणमा लिएको जिल्ला प्रहरी कार्यालयका प्रहरी नायब उपरीक्षक (डीएसपी) सागर बोहराले जानकारी दिए।

प्रहरीले घटनासम्बन्धी थप अनुसन्धान जारी राखेको जनाएको छ।