काठमाडौं । नेपाली क्रिकेट टोलीका स्पिन बलर ललित नारायण राजवंशीले अन्तर्राष्ट्रिय क्रिकेट परिषद् (आइसीसी) को टी–२० अन्तर्राष्ट्रिय बलिङ वरियतामा उल्लेखनीय प्रगति गरेका छन्। हालै सार्वजनिक गरिएको नयाँ वरियतामा उनले २९ स्थानको फड्को मार्दै अब ५८औं स्थानमा उक्लिएका छन्।
बायाँ हाते स्पिन बलर राजवंशीले पछिल्ला खेलहरूमा प्रभावशाली प्रदर्शन गरेसँगै टी–२० वरियतामा यस्तो सुधार आएको हो। उनले टी–२० विश्वकप २०२४ मा नेपालका लागि किफायती बलिङ गर्दै महत्त्वपूर्ण विकेट लिएका थिए। विशेषतः पावरप्ले र डेथ ओभरमा उनको बलिङले विपक्षी टोलीलाई दवावमा राख्न सहयोग पुग्यो।
राजवंशीको यो उकाइ नेपाली क्रिकेटका लागि उत्साहजनक मानिएको छ। नेपालबाट टी–२० वरियतामा उच्च स्थानमा पुग्ने खेलाडीहरूमा अब उनी पनि एक ठोस नाम बनेका छन्।
अन्तर्राष्ट्रिय स्तरमा नेपाली बलरको बढ्दो प्रभावले नेपाल क्रिकेटको भविष्य अझ उज्यालो हुने संकेत देखिएको छ।
यो खबर पढेर तपाईलाई कस्तो महसुस भयो ?
प्रतिक्रिया