बेगनास तालमा पौडी खेल्ने क्रममा एक युवक बेपत्ता, सशस्त्र प्रहरीको गोताखोरद्वारा खोजीकार्य सुरु  

काठमाडौं । कास्कीको बेगनास तालमा पौडी खेल्ने क्रममा बेपत्ता भएका एक व्यक्तिको सशस्त्र प्रहरीको गोताखोरले खोजीकार्य सुरु गरेको छ । 

पोखरा महानगरपालिका– ३१ माझीकुनास्थित बेगनास तालमा पौडी खेल्ने क्रममा गोरखाको सहिद लखन गाउँपालिका– ३ मनकामना बस्ने ४३ वर्षीय राजेश श्रेष्ठ आइतबार साँझदेखि बेपत्ता छन् । उनी बेपत्ता भएको खबरपश्चात् खोजतलासको लागि सशस्त्र प्रहरी बल नेपाल नम्बर २४ कालीका गणबाट सशस्त्र प्रहरी निरीक्षकको कमान्डमा ७ जना गोताखोर सहितको टोली परिचालन भएको हो ।

गोताखोरसहितको सशस्त्र प्रहरी टोलीले बेपत्ता श्रेष्ठको खोजी गरिरहेको सशस्त्र प्रहरीका सह प्रवक्ता डीएसपी शैलेन्द्र थापाले बताए ।