यात्रुबाहक बस र मोटरसाइकल ठोक्किँदा एक जनाको मृत्यु

काठमाडौं । दमक–७ पूर्वपश्चिम राजमार्गमा बुधबार साँझ यात्रुबाहक बस र मोटरसाइकल एकआपसमा ठोक्किँदा  मोटरसाइकल जनाको मृत्यु भएको छ । 

दमकबाट केर्खातर्फ जाँदै गरेको मे१ख ३०२७ नम्बरको बस र विपरीत दिशाबाट आइरहेको प्र ०१–०२–०५२ प २२११ नम्बरको मोटरसाइकल ठोक्किँदा मोटरसाइकल चालकको मृत्यु भएको हो ।

दुर्घटनाबाट चालक घाइते भएका मोटरसाइकल चालक मिलन थापालाई उपचारका लागि आर्य न्युरो अस्पताल विराटनगर लगिएकामा निजको उपचारका क्रममा मृत्यु भएको प्रहरीले जनाएको छ ।

दुर्घटनापछि बस चालक सरकार टुडुलाई नियन्त्रणमा लिइएको छ भने बस र मोटरसाइकल दुवै सवारीसाधनलाई प्रहरीले नियन्त्रणमा लिएको जनाएको छ । घटनाको थप अनुसन्धान भइरहेको छ।