भारतमा तस्करी गर्न खोलामा गाडिएको ११२० किलो गाँजा बरामद

काठमाडौं । सुनसरीको कटान खोलाको बगरमा गाडेर राखेको अवस्थामा प्रहरीले १ हजार १ सय २० किलो गाँजा बरामद गरेको छ । ३८ वटा बोरामा गाडेको अवस्थामा गाँजा बरामद भएको हो । 

सुनसरीको हरिनगरा गाउँपालिका ५ र ६ को सिमाना भएर बग्ने कटान खोलाको बगरमा गाडेर राखेको अवस्थामा सो परिमाणको गाँजा बरामद भएको हो ।

तस्कर समूहले सो गाँजा भारतमा तस्करीका लागि गाडेर राखेको बताइएको छ । गाँजा बरामद भएको स्थान भारतीय सीमा क्षेत्र नजिकै पर्छ ।

जिल्ला प्रहरी कार्यालय सुनसरीका डिएसपी योगराज खतिवडाले बरामद गाँजा १ हजार १ सय २० किलो रहेको बताए । 

घटनाको अनुसन्धान भइरहेको प्रहरीले बताएको छ ।