संघीय संसदका दुवै सदनको बैठक बस्दै, यस्ता छन् कार्यसूची

काठमाडौं । संघीय संसदको दुवै सदनको बैठक आज (बुधबार) बस्दैछ । प्रतिनिधि सभाको बैठक आज अपराह्न १ः०० बजे बस्दैछ ।  भने राष्ट्रिय सभाको बैठक अपराह्न १ः१५ बजे बस्नेछ ।

आजको प्रतिनिधि सभाको बैठकमा उपप्रधान तथा अर्थमन्त्री विष्णुप्रसाद पौडेलले वक्तव्यसहित ‘ आर्थिक वर्ष २०८२/८३ को राजश्व र व्ययको वार्षिक अनुमानमाथि सामान्य छलफल गरियोस्’ भन्ने प्रस्ताव पेस गर्ने  र प्रस्तावमाथि छलफल हुने कार्यसूची रहेको छ । 

यस्तै, राज्य व्यवस्था तथा सुशासन समितिका सभापति रामहरि खतिवडाले ‘ संघीय निजामती सेवा विधेयकसम्बन्धी समितिको प्रतिवेदन, २०८२’ पेस  गर्नेछन्।  

राष्ट्रिय सभाको बैठकमा पनि अर्थमन्त्री पौडेलले राजश्व र व्ययको वार्षिक अनुमानमाथि सामान्य छलफल गरियोस्’ भन्ने प्रस्ताव पेस गर्ने  र सो प्रस्तावमाथि छलफल प्रारम्भ गर्ने कार्यसूची छ ।