काठमाडौं । रोयल च्यालेन्जर्स बेंगलुरु इन्डियन प्रिमियर लिग (आईपीएल)को फाइनलमा पुगेको छ। पञ्जाब किङ्सको घरेलु मैदान महाराजा यदवीन्द्र सिंह स्टेडियममा भएको खेलमा बेंगलुरुले पञ्जाबलाई ८ विकेटले पराजित गरेको हो। बेंगलुरु ९ वर्षपछि फेरि आईपीएलको फाइनलमा प्रवेश गरेको हो ।
खेलमा बेंगलुरुले टस जितेर पहिले बलिङ्ग गर्ने निर्णय गरेको थियो । पहिले ब्याटिङ गरेको पन्जाब धेरै चल्न भने सकेन । पञ्जाबले १४.१ ओभरमा १०१ रन मात्र बनायो । पञ्जाबका लागि मार्कस स्टोइनिसले २६ रन बनाए। पञ्जाबले दिएको १०२ रनको लक्ष्य बेंगलुरुले १० ओभरमा मात्र २ विकेट गुमाउँदै पूरा गर्यो। बेंगलुरुका ओपनर फिल साल्टले अर्धशतक बनाए। जोश हेजलवुड र सुयश शर्माले ३–३ विकेट लिए। उक्त खेलमा सुयश खेलको प्लेयर अफ द म्याच भए। योसँगै बेंगलुरु चौथो पटक आईपीएलको फाइनलमा पुगेको छ । बैंग्लोरले अब जुन ३ मा अहमदाबादमा फाइनल खेल्नेछ।
यो पनि पढ्नुहोस् : आईपीएल : ९ वर्षपछि बेंगलुरु फाइनलमा
रोयल च्यालेन्जर्स बेंगलुरु र पन्जाब किङ्सबीच भएको खेलमा विभिन्न ८ रेकर्डहरु बनेका छन् । पावरप्लेमा सबैभन्दा धेरै विकेटदेखि सबैभन्दा छिटो अर्धशतक बनाउने रेकर्डसम्म बिहिबारको खेलमा बनेका छन् ।
१) यस सिजनमा पावरप्लेमा सबैभन्दा धेरै विकेट लिने टिम
२०२५ को आईपीएलमा, बेंगलुरुको टोलीले पावरप्ले अर्थात् पहिलो ६ ओभरमा सबैभन्दा धेरै विकेट लिएको छ। आरसीबीले यस सिजन पावरप्लेमा २६ विकेट लिएको छ। यी मध्ये चार विकेट बिहीबार पञ्जाब विरुद्ध आएका थिए। आरसीबी पछि, मुम्बई यस सूचीमा रहेको छ । मुम्बईले यस सिजनको पहिलो छ ओभरमा २३ विकेट लिएको छ।
२) २०० विकेटको नजिक भुवनेश्वर
पञ्जाब विरुद्धको खेलमा भुवनेश्वर कुमारले दुई ओभरमा १७ रन दिएर एक विकेट लिए। उनी आईपीएल इतिहासमा दोस्रो सर्वाधिक विकेट लिने बलर हुन्। तीव्र गतिका बलरहरूमा भुवनेश्वर सर्वाधिक विकेट लिने खेलाडी हुन्। उनको नाममा १९६ विकेट छन्। भुवनेश्वरभन्दा अगाडि स्पिनर युजवेन्द्र चहल मात्र छन्, उनले २१९ विकेट लिएका छन्। तेस्रो नम्बरमा सुनिल नारिन १९२ विकेटसहित छन्।
३) पञ्जाब सबैभन्दा कम प्लेअफ स्कोरमा रोकिने दोस्रो टिम
आरसीबीले पञ्जाबलाई १४.१ ओभरमा १०१ रनमा रोक्यो। यो आईपीएल प्लेअफको इतिहासमा दोस्रो सबैभन्दा कम स्कोर हो। यसअघि २००८ मा, दिल्ली राजस्थान विरुद्धको सेमिफाइनल खेलमा ८७ रनमा अलआउट भएको थियो। यद्यपि, त्यतिबेला, सेमिफाइनल खेलाइन्थ्यो, प्लेअफ होइन। प्लेअफहरू २०११ मा सुरु भएको थियो र त्यस अनुसार, यो प्लेअफमा सबैभन्दा कम स्कोर हो।
४) कुम्बले र वाट्सनको क्लबमा सामेल भए सुयश
आरसीबीका लागि लेग स्पिनर सुयश शर्माले १७ रन खर्चेर तीन विकेट लिए। उनले मार्कस स्टोइनिस, शशांक सिंह र मुशीर खानलाई आउट गरे। प्लेअफ वा अन्तिम चारको खेलमा आरसीबीको लागि १७ रन तेस्रो उत्कृष्ट बलिङ आंकडा हो। यसअघि २००९ मा डेक्कन चार्जर्स विरुद्धको फाइनलमा आरसीबीका पूर्व स्पिनर अनिल कुम्बलेले १६ रन दिँदै चार विकेट लिएका थिए। २०१६ को छनोट-१ मा गुजरातविरुद्ध, आरसीबीका शेन वाटसनले २९ रन दिँदै ४ विकेट लिएका थिए। सुयश सूचीमा दोस्रो स्थानमा छन्। सुयश बाहेक यश दयालले दुई र हेजलवुडले तीन विकेट लिएका छन् भने रोमारियो शेफर्डले एक विकेट लिए।
५) पञ्जाब बन्यो सबैभन्दा कम ओभर ब्याटिङ गर्न टिम
आईपीएल प्लेअफ वा अन्तिम चार खेलमा सबैभन्दा कम ओभर ब्याटिङ गर्ने रेकर्ड अब पञ्जाब टोलीको नाममा छ। पञ्जाबले केवल १४.१ ओभर ब्याटिङ गर्यो र अलआउट भयो । यसअघि २००८ मा राजस्थान विरुद्धको सेमिफाइनलमा दिल्लीले १६.१ ओभर मात्र ब्याटिङ गर्न सकेको थियो र अलआउट भएको थियो।
६) एक सिजनमा आरसीबीका लागि सबैभन्दा धेरै जितहरू
यस सिजनमा आरसीबीले अहिलेसम्म १० खेल जितेको छ। यदि टोलीले थप एक खेल जित्यो भने, यसले एक सिजनमा सबैभन्दा धेरै खेल जित्ने आफ्नो अघिल्लो रेकर्ड तोड्नेछ। सन् २०११ मा पनि बेंगलुरुले सम्पूर्ण सिजनमा १० खेल जितेको थियो। आरसीबीले त्यो रेकर्ड बराबरी गर्यो। अब टोलीसँग फाइनल जित्ने मौका छ। यदि यसो भयो भने आरसीबीले नयाँ रेकर्ड बनाउनेछ।
७) आरसीबीका लागि साल्टको सबैभन्दा छिटो ५० रन
फिल साल्टले आईपीएल प्लेअफमा आरसीबीका लागि सबैभन्दा छिटो अर्धशतक बनाउने रेकर्ड बनाएका छन्। साल्टले २७ बलमा छ चौका र तीन छक्काको मद्दतले ५६ रनको अविजित इनिङ खेले। उनले बिहीबार पञ्जाब विरुद्ध २३ बलमा अर्धशतक प्रहार गरे। यसअघि यो रेकर्ड क्रिस गेलको नाममा थियो। उनले २०१६ को फाइनलमा सनराइजर्स विरुद्ध २५ बलमा अर्धशतक र २०११ मा क्वालिफायर २ मा मुम्बई इन्डियन्स विरुद्ध २७ बलमा अर्धशतक बनाए।
८) प्लेअफमा सबैभन्दा छिटो लक्ष्य पछ्याउन टिम बन्यो बैंगलोर
बिहिबार भएको खेलमा आरसीबीले ६० बल बाँकी रहँदा १०२ रनको लक्ष्य पूरा गर्यो जुन आईपीएल प्लेअफमा बलको हिसाबले सबैभन्दा छिटो हासिल गरिएको लक्ष्य हो। यसअघि २०२४ को फाइनलमा सनराइजर्स विरुद्धको खेलमा कोलकाताले १०.३ ओभरमा लक्ष्य हासिल गरेको थियो। त्यतिबेला ५७ बल बाँकी थियो।
यो खबर पढेर तपाईलाई कस्तो महसुस भयो ?
प्रतिक्रिया