काठमाडौं । राष्ट्रिय प्रजातन्त्र पार्टी (राप्रपा) की सांसद रोशन कार्कीले नेपाली कांग्रेसका सांसदहरूको उपस्थिति संसद्मा कम रहेको भन्दै आपत्ति जनाएकी छन् । प्रतिनिधि सभाको मंगलबारको बैठकमा बोल्दै उनले कांग्रेस सांसदहरू संसद्मा कम रहेको भन्दै व्यंग्य समेत गरिन् ।
उनले कांग्रेस सांसदहरू आज गभर्नर खोज्न हो कि प्रधानमन्त्री खोज्न गएको भन्दै व्यंग्य गरिन् ।
कांग्रेस संसदको सबैभन्दा ठुलो पार्टी भएको र संसदमा पनि ठुलै उपस्थिति हुनु जरुरी रहेको उनको भनाइ छ ।
उनले भनिन्, ‘आज त नेपाली कांग्रेसका माननीयज्युहरु त सात, आठ जनादेखि बढ्ता त देखिँदैन नि । उहाँहरू कता जानुभयो रु गभर्नर खोज्न जानुभयो कि प्रधानमन्त्री खोज्न जानुभयो रु तपाईँहरू एकदमै कम संख्यामा हुनुहुन्छ, ठुलो पार्टी भएको भएर मलाई त शंका लागेको छ ।’
संसद्मा ८ जना भन्दा बढी कांग्रेसका सांसद नदेखिएको उनको आरोप छ ।
यो खबर पढेर तपाईलाई कस्तो महसुस भयो ?
प्रतिक्रिया