काठमाडौं । थाइल्याण्डमा जारी आईसीसी महिला टी–२० विश्वकप एसिया छनोट अन्तर्गत नेपालले आज बहराइनविरुद्ध निर्णायक खेल खेल्दैछ। खेल बैंककस्थित एसियन इन्स्टिच्युट अफ टेक्नोलोजी (AIT) मैदानमा नेपाली समयअनुसार दिउँसो १२:१५ बजे सुरु हुनेछ।
नेपालका लागि यो खेल विश्वकप यात्रा सुनिश्चित गर्ने अन्तिम अवसर हो।
हालसम्म नेपालले प्रतियोगितामा तीन खेल खेलेको छ, जसमा एक जित, एक हार, र एक खेल वर्षाका कारण रद्द भएको थियो।
आजको खेलमा नेपालले बहराइनलाई पराजित गरेमा मात्र आगामी महिला टी–२० विश्वकपको ग्लोबल छनोट चरणमा स्थान सुरक्षित गर्न सक्नेछ। त्यसैले यो खेल नेपालका लागि निर्णायक मात्र होइन, ऐतिहासिक पनि बन्न सक्नेछ।
यो खबर पढेर तपाईलाई कस्तो महसुस भयो ?
प्रतिक्रिया