इजरायली सेनाद्वारा २ प्यालेस्टिनीको हत्या

काठमाडौं । प्यालेस्टिनी स्वास्थ्य मन्त्रालयले बुधबार उत्तरी पश्चिम किनारको कबातिया सहरमा इजरायली सेनाद्वारा दुई प्यालेस्टिनी पुरुषको गोली हानी हत्या गरिएको जनाएको छ । 

मृत्यु हुनेमा २३ वर्षीय मुहम्मद ओमर मुहम्मद जकार्नेह र १९ वर्षीय यासेर रतेब खुजैमिया रहेका छन् । 

प्यालेस्टिनी आधिकारिक समाचार एजेन्सी वाफाकाअनुसार इजरायली सेनाले बुधबार बिहान खानी क्षेत्रमा रहेको गुफालाई घेरेर आक्रमण  गरेको थियो । विज्ञप्तिअनुसार मुठभेडमा दुई लडाकू मारिएका थिए । उनीहरूको शरीरबाट हतियार बरामद गरिएको थियो ।