ट्रम्पद्वारा क्यानेडियन स्टील र आल्मुनियममा लगाएको २५ प्रतिशत कर फिर्ता

एजेन्सी । क्यानडाको ओन्टारियो प्रान्तले तीन अमेरिकी राज्यहरूमा बिजुली निर्यातमा कर घटाएपछि संयुक्त राज्य अमेरिकाले क्यानाडाको स्टील र आल्मुनियममा थप २५ प्रतिशत कर लगाउने आफ्नो योजना उल्टाएको छ । ह्वाइट हाउसका प्रवक्ता कुश देसाईले यसबारे जानकारी दिएका हुन् ।  

अमेरिकी राष्ट्रपति ट्रम्पले क्यानडा विरुद्ध ५० प्रतिशत करको बदलामा आफ्नो कार्यकारी शक्ति प्रयोग गर्ने धम्की दिएपछि ओन्टारियो प्रिमियर डग फोर्डले (वाणिज्य) सचिव (हावर्ड) लुटनिकसँग कुरा गर्दै संयुक्त राज्य अमेरिकामा बिजुली निर्यातमा २५ प्रतिशत शुल्क लागू गर्नबाट पछि हटेको बताए ।  

यसअघि मंगलबार अमेरिकी राष्ट्रपति डोनाल्ड ट्रम्पले सामाजिक सञ्जालमा क्यानडाको ओन्टारियो प्रान्तबाट बिजुली निर्यातमा करको प्रतिक्रियामा क्यानडाबाट स्टील र आल्मुनियममा थप २५ प्रतिशत कर लगाउने बताएका थिए ।  

जसले कुल कर ५० प्रतिशतमा पुर्‍याएको थियो । त्यसको केही समयपछि ओन्टारियोले तीन अमेरिकी राज्यहरूमा बिजुली निर्यातमा २५ प्रतिशत अधिभार निलम्बन गर्न सहमति जनाएको थियो । ओन्टारियोका प्रिमियर डग फोर्ड र अमेरिकी वाणिज्य सचिव हावर्ड लुटनिकको संयुक्त विज्ञप्ति अनुसार फोर्डले बिहीबार लुटनिकसँग भेट्न र अप्रिल २ को पारस्परिक ट्यारिफ समयसीमा अगाडि नवीकरण गरिएकोबारे छलफल गर्न वाशिंगटनको यात्रा गर्ने बताइएको छ ।