काठमाडौं । नेकपा एकीकृत समाजवादीले केन्द्रीय कमिटीको टुंगो लगाउन कार्यदल गठन गरेको छ ।
आज बसेको केन्द्रीय समिति बैठकले ३ सदस्यीय कार्यदल गठन गरेको हो ।
पार्टीका प्रचार विभाग प्रमुख जगन्नाथ खतिवडाका अनुसार
केन्द्रीय कमिटी र केन्द्रीय आयोगको संख्या, नाम र मनोनयका बारेमा गृहकार्यका तीन सदस्यी कार्यदल गठन गरिएको हो ।
जसमा अध्यक्ष माधवकुमार नेपाल, सम्मानीत नेता झलनाथ खनाल र महासचिव घनश्याम भुसाल सदस्य रहेका छन् ।
त्यस्तै केन्दीय कमिटीको बैठक आगामी साउन १८ गते बस्ने र सोही बैठकमा केन्द्रीय कमिटी र केन्द्रीय आयोगको टुंगो लगाउने खतिवडाले बताए ।
गत असार २१ गते काठमाडौंमा सम्पन्न एकीकृत समाजवादीको महाधिवेशनले अध्यक्ष, सम्मानीत नेता र महासचिवसहित ९६ जना केन्द्रीय सदस्यको मात्रै छनोट गरेको छ । २९९ सदस्यीय केन्द्रीय कमिटीमा बाँकी पदाधिकारी तथा सदस्यहरुको टुंगो लाग्न बाँकी छ ।
यो खबर पढेर तपाईलाई कस्तो महसुस भयो ?
प्रतिक्रिया