२०७८,श्रावण,१९,मंगलवार

उम्मेदवार टुंग्याउन प्रमुख तीन दल व्यस्त

२०७४,कार्तिक,१४,मंगलवार १७:३६


काठमाडौँ, १४ कात्तिक । प्रतिनिधि सभा र प्रदेश सभा सदस्यको उम्मेदवारी छनोटलाई अन्तिम रुप दिन प्रमुख तीन राजनीतिक दल छुट्टाछुट्टै बैठकमा केन्द्रित भएका छन् प्रमुख सत्तारुढ दल नेपाली काँग्रेस र मधेस केन्द्रित दलका शीर्ष नेता प्रधानमन्त्री निवास बालुवाटारमा छलफलमा सहभागी छन्  । विशेषगरी तराई मधेसका जिल्लामा काँग्रेस र मधेश केन्द्रित दलका तर्फबाट हुने चुनावी तालमेलका विषयमा सहमति जुटाउन बैठक बसिरहेको जनाएको हो संघीय समाजवादी फोरम र राष्ट्रिय जनता पार्टीबीच दोस्रो चरणअन्तर्गत हुने प्रतिनिधि सभा र प्रदेश सभा सदस्य निर्वाचनको उम्मेदवारी छनोटको प्रक्रिया लगभग सकिएपछि उनीहरु काँग्रेससँगको छलफलमा केन्द्रित भएका हुन् । राजपा नेता मनिष सुमनले छलफल जारी रहेको जानकारी दिए उता नेकपा(एमाले) स्थायी समितिको बैठक उपाध्यक्ष वामदेव गौतमको निवास भैँसैपाटीमा जारी छ । आजको बैठकबाट सबै उम्मेदवारी निक्र्योल गर्ने सो पार्टीले जनाएको छ । एमाले प्रचार विभागका सचिव विष्णु रिजालकाअनुसार आज सबै प्रदेश र जिल्लाको उम्मेदवारी टुंगो लाग्ने छ नेकपा (माओवादी केन्द्र) र एमालेबीच आज उम्मेदवारीको विषयमा लगभग सहमति जुटेको छ । सहमतिअनुसार सल्यानमा प्रतिनिधि सभातर्फ माओवादी केन्द्रले उम्मेदवारी दिने भएको छ । विना विभागीय मन्त्री समेत रहनु भएका टेकबहादुर बस्नेतलाई एमाले र माओवादी केन्द्रले संयुक्त उम्मेदवार बनाउने सहमति भएको छ एमाले नेता प्रकाश ज्वाला भने प्रदेश सभाको उम्मेदवार बन्नेछन् । यस्तै सहमति हुन नसकेको झापाको एक क्षेत्रमा भने पूर्वसञ्चारमन्त्री राम कार्कीको विषयमा सहमति भएको छ । यसैगरी माओवादी केन्द्रले पनि आजै उम्मेदवारीलाई अन्तिम रुप दिने जनाएको छ माओवादी केन्द्रका अध्यक्ष पुष्पकमल दाहाल ‘प्रचण्ड’ले आज साँझ उहाँकै निवास लाजिम्पाटमा आयोािजत पार्टी प्रवेश कार्यक्रममा आजै उम्मेदवारी टुंगो लाग्ने जानकारी दिएका थिए।

प्रकाशित मिति: २०७४,कार्तिक,१४,मंगलवार १७:३६

प्रतिक्रिया दिनुहोस !
सम्बन्धित खबरहरु

काठमाडौं । नेकपा एमालेका वरिष्ठ नेता माधवकुमार नेपालले केन्द्रीय कमिटी बैठक बोलाएका छन् । नेता नेपालले बधुवारका लागि आफू पक्षीय

काठमाडौं । नेपाली कांग्रेसका सांसद भिमसेनदास प्रधानले विदेश जाने श्रमिकहरु खोप लगाएको प्रमाणित गर्न भीडभाड गर्दै लाइनमा बस्नुपरेको भन्दै त्यसलाई

काठमाडौं । सांसद महेश बस्नेतले कांग्रेस नेतृत्वको सरकारले स्वास्थ्य माफियालाई संरक्षण गरेको आरोप लगाएका छन् । मंगलबार बसेको प्रतिनिधि सभा

काठमाडौं । लेखा प्रतिवेदन नबुझाउने ४१ वटा राजनीतिक दलको दर्ता खारेज भएको छ ।् आज निर्वाचन आयोगले एक विज्ञप्ति निकाल्दै

ताजा समाचार

पारसको निर्णय अप्रत्यासित : क्यान अध्यक्ष
 २०७८,श्रावण,१९,मंगलवार १६:००
संक्रमण बढ्यो, उपत्यकाका अस्पताल भरिए
 २०७८,श्रावण,१९,मंगलवार १५:५५
पारस खड्का : क्याप्टेन, लिडर र लेजेन्ड पनि
 २०७८,श्रावण,१९,मंगलवार १५:३४