विरोध प्रदर्शनमा झुक्यो फ्रान्सेली सरकार, न्यू क्यालेडोनियाको मतदान सुधार स्थगित

लोकपथ
117
Shares

फ्रान्स । फ्रान्सेली राष्ट्रपति इमानुएल म्याक्रोँले बुधबार न्यू क्यालेडोनियामा लागू भएको मतदान सुधारलाई निलम्बन गरेको घोषणा गरेका छन्। यी मतदान सुधारहरूको कारणले गर्दा हालै क्यालेडोनियामा गम्भीर हिंसा भड्किएको थियो । न्यु क्यालेडोनिया, हिन्द प्रशान्त महासागरका पाँचवटा टापु क्षेत्रहरू मध्ये एक, फ्रान्सद्वारा प्रशासित छ।

न्यू क्यालेडोनियामा मतदान गर्ने अधिकार १९९८ भन्दा पहिले न्यू क्यालेडोनियामा बस्ने मानिसहरूलाई मात्र सीमित थियो। यस कानूनको उद्देश्य क्यालेडोनियामा बसोबास गर्ने मूल निवासी र अल्पसंख्यक कनक समुदायलाई बढी प्रतिनिधित्व दिनु थियो। तर, पेरिसले यो व्यवस्थालाई अलोकतान्त्रिक माने र फ्रान्सेली संसदले कानूनमा सुधार गर्दै १० वर्षसम्म क्यालेडोनियामा बसोबास गर्ने मानिसहरूलाई मतदान गर्ने अधिकार दिने निर्णय गरेको थियो।

फ्रान्सेली सरकारको यो निर्णयले स्थानीय जनता आक्रोशित भएका छन् र क्यालेडोनियामा हिंसा भड्किएको छ । स्थानीय मानिसहरूले यो निर्णयले उनीहरूलाई सीमान्तीकृत गर्ने र क्यालेडोनियामा उनीहरूको प्रभाव गुमाउने डर रहेको बताएका छन्।

हिंसा भड्किएपछि राष्ट्रपति म्याक्रोँले क्यालेडोनियाका प्रतिनिधिहरूलाई छलफलका लागि पेरिसमा आमन्त्रित गर्दै वार्ताबाट समाधान खोज्ने कुरा गरेका थिए। तर बुधबार राष्ट्रपति म्याक्रोँले यी सुधारहरू स्थगित गर्ने निर्णय गरेका हुन्।

क्यालेडोनियामा मतदान सुधारको विरोधमा भएको प्रदर्शनमा तीन जनाको मृत्यु भएको छ भने सयौं घाइते भएका छन् । हिंसाका कारण क्यालेडोनियाका विद्यालय, कलेज र विमानस्थल बन्द गर्नुका साथै राजधानी नोउमामा कर्फ्यू लगाइएको थियो । त्यसयता कैयौँ छिटपुट हिंसाका घटना भएका छन् ।

न्यू क्यालेडोनिया अस्ट्रेलियाबाट करिब १५०० किलोमिटर पूर्वमा अवस्थित छ। यहाँको जनसंख्या २,७०,००० छ। जसमध्ये ४१ प्रतिशत मेलानेसियन कनाक र २४ प्रतिशत युरोपेली मूलका मानिस छन् । यो टापु बेलायती अन्वेषक जेम्स कुकले पत्ता लगाएका थिए र यसलाई फ्रान्सले सन् १८५३ मा आफ्नो नियन्त्रणमा लिएको थियो।

एजेन्सी

यो खबर पढेर तपाईलाई कस्तो महसुस भयो ?