काठमाडौं –‘आधा लभ’ मार्फत निर्माणमा समेत देखिएकी अभिनेत्री नायिका ऋचा शर्मा निर्मित चलचित्र ‘सुनकेसरी’को पोष्टर सार्वजनिक गरिएको छ । सार्वजनिक पोष्टरमा अभिनेत्री ऋचाको रुप डरलाग्दो देखाइएको छ ऋचाले अष्ट्रेलियामा बस्दै आएका भीम न्यौपानेसँगको सहकार्यमा ‘सुनकेसरी’ निर्माण गरेकी हुन् । अर्पण थापाले निर्देशन गरेको यो चलचित्रमा ऋचा शर्मा, भीम न्यौपाने, रबिन्द्र झा लगायतका कलाकारहरुको अभिनय रहेको छ अष्ट्रेलियन दरबार बुटिक होटलका पाहँुना र भुत प्रेतबीचको गतिविधीलाई मुख्य कथा बनाइएको चलचित्र अष्ट्रेलियामै छायाँकन गरिएको हो । २ करोड लागतमा निर्माण गरिएको बताइएको चलचित्रका शर्मिला सापकोटा र धर्मराज अधिकारी सह–निर्माताको रुपमा रहेका छन् 
चलचित्रका कार्यकारी निर्माता मनोज अधिकारी र अर्पण थापा हुन् । यसको प्रदर्शन मिति अहिले सार्वजनिक गरिएको छैन ।
