दिवा खाजाले विद्यार्थी बढे


लोकपथ
प्रकाशित मिति : २८ जेष्ठ २०७६, मंगलवार १०:४९

काठमाडौं । जिल्लाको आदर्श गाउँपालिका–६ गरिचौकामा रहेको कपिलास आधारभूत विद्यालयमा शिक्षाका लागि खाद्य कार्यक्रम लागू भएपछि विद्यार्थीको सङ्ख्यामा वृद्धि भएको छ ।

उक्त विद्यालयमा शिक्षाका लागि खाद्य कार्यक्रमले विद्यार्थीलाई दिवा खाजा दिन शुरु गरेपछि विद्यालयमा आउने विद्यार्थीको सङ्ख्या एकाएक बढेको हो । पहिले विद्यालय उमेर समूहका धेरै बालबालिका घरमा नै बस्ने, विद्यालयमा भर्ना भएका विद्यार्र्थीको पनि नियमित नहुने खालको समस्या रहेको भए पनि दिवा खाजा कार्यक्रम शुरु भएपछि बालबालिकाको नियमित भएका छन् ।

विद्यालय उमेर समूहका सबै बालबालिका विद्यालयमा आउन थालेको प्रधानाध्यापक बलबहादुर बोहराले बताए । उनले भने, “पहिले विद्यालय आउने उमेर समूहका विद्यार्थी खासै स्कुल आउँदैन थिए, आएका जति पनि नियमित बस्दैन थिए । अहिले विद्यालयमा दिवा खाजा शुरु भएपछि सबै उमेर समूहका विद्यार्थी नियमित आउन थालेका छन् ।”

दिवा खाजा शुरु भएपछि वडाभरिका कम्तीमा पनि ३०० जनाभन्दा बढी बालबालिका अहिले विद्यालयमा नियमित आउने गरेको सो विद्यालय व्यवस्थापन समितिका अध्यक्ष मानबहादुर बोहराले बताए । उनले भने, “दिवा खाजाले विद्यालयमा विद्यार्थीको सङ्ख्या त बढ्यो तर विद्यार्थीको अनुपातमा शिक्षकको दरबन्दी कमी हुँदा पढाउन केही समस्या देखिएको छ ।” 

विद्यालयको भौतिक संरचनासमेत पुरानो  हुँदा  समस्या देखिएको छ भने विद्यार्थीको अनुपातमा भौतिक संरचनाहरु व्यवस्थापन गर्न नसकिँदा कठिनाइ भएको अध्यक्ष बोहराले बताए । कक्षा ५ सम्मको अध्यापन हुने उक्त विद्यालयमा जिल्ला शिक्षाको अनुदानमा एउटा दुईकोठे भवन रहेको छ भने विद्यालयमा रहेको एउटा मात्र पुरानो भवन पनि पूर्णरुपमा जीर्ण अवस्थामा रहेको छ ।

पानी पर्दा तथा हावाहुरी चल्दा भवन भत्किने डरले विद्यार्थीलाई घर पठाउनुपर्ने अवस्था आउने गरेको शिक्षकहरु बताउँछन् । 

Tags :
प्रतिक्रिया दिनुहोस
कन्टेनर डिब्बा जलेर नष्ट

काठमाडौं । चालू लाइनको तार एकआपसमा जुध्दा विद्युत् प्रवाह भएका कारण सीमावर्ती क्षेत्र

माधवकुमार नेपालले प्रधानमन्त्रीलाई पठाए यस्तो संदेश !

काठमाडौं । सत्तारुढ दल नेपाल कम्युनिष्ट पार्टी ‘नेकपा’का वरिष्ठ नेता माधवकुमार नेपालले प्रधानमन्त्री

सभापति देउवाद्वारा गौरा पर्वको शुभकामना

काठमाडौं । नेपाली काङ्ग्रेसका सभापति एवं पूर्वप्रधानमन्त्री शेरबहादुर देउवाले गौरा पर्वको उपलक्ष्यमा सम्पूर्ण

एकदिवसीय वरियतामा नेपाल एक स्थान तल

काठमाडौं । अन्तर्राष्ट्रिय क्रिकेट परिषद् (आइसिसी) को एकदिवसीय वरियतामा नेपाल एक स्थान तल