१४ मङ्सिर २०८०, बिहीवार

वाम गठबन्धनको यस्तो छ सिट बाँडफाँट

२०७४,कार्तिक,१३,सोमवार ०२:२०

0
Shares

काठमाडौँ, कात्तिक १३ – नेकपा (एमाले) र नेकपा माओवादी (केन्द्र) सम्मिलित वाम गठबन्धनले निर्वाचन क्षेत्र बाँडफाँटको काम करिब–करिब टुङ्ग्याएका छन् । लामो प्रयास र छलफलपछि दोस्रो चरणमा चुनाव हुने ४५ जिल्लामध्ये प्रतिनिधिसभाअन्तर्गत केही जिल्लाबाहेक सिट बाँडफाँट सकिएको जानकारी नेताहरूले दिनुभएको छ त्यस्तै, प्रदेशसभातर्फको सिट बाँडफाँट पनि करिब टुङ्गो लागेको बैठकमा सहभागी नेताहरूले बताउनुभयो । सहमतिअनुसार दोस्रो चरणमा चुनाव हुने प्रतिनिधिसभाको १२८ निर्वाचन क्षेत्रमध्ये ११५ निर्वाचन क्षेत्रमा कसले चुनाव लड्ने भन्ने टुङ्गो लागेको छ । त्यसमध्ये एमालेका लागि ६८ सिट र माओवादीका लागि ३६ सिटमा सहमति जुटाइसकिएको कार्यदलका सदस्य सुरेन्द्र पाण्डेले जानकारी दिनुभयो । सहमति जुटेका ११५ सिटमध्ये स्वतन्त्रलाई १० र राष्ट्रिय जनमोर्चाले पाउने एक सिटको समेत टुङ्गो लागेको छ चितवन, सल्यान लगायतका जिल्लाबाहेक अन्य सबै ठाउँमा सिट बाँडफाँट सकिएको नेता पाण्डेले जानकारी दिनुभयो । पहिलो चरणमा हुने प्रतिनिधिसभाका ३७ निर्वाचन क्षेत्रमध्ये एमालेले २१ स्थानमा र माओवादीले १६ स्थानमा प्रतिस्पर्धा गर्दैछन् दोस्रो चरणमा निर्वाचन हुन प्रदेशसभाका २५६ सिटमध्ये एमालेले प्रतिस्पर्धा गर्ने १३८, माओवादी केन्द्रले प्रतिस्पर्धा गर्ने ८५ र स्वतन्त्र उम्मेदवार प्रतिस्पर्धा गर्ने पाँच स्थानमा सहमति जुटेको छ । अझै पनि प्रदेशसभाका २८ सिट बाँडफाँटमा सहमति जुटाउन बाँकी छ । पहिलो चरणमा चुनाव हुने प्रदेशसभाका ७२ सिटमध्ये माओवादी ३२ स्थानमा, एमाले ३९ स्थानमा, राष्ट्रिय जनमोर्चा दुई स्थानमा प्रतिस्पर्धा गर्दैछन् । एमाले उम्मेदवार पछि हटेपछि मनाङ ‘ख’को प्रदेशसभामा दीपक मनाङ्गेका रूपमा परिचित राजीव गुरुङ स्वतन्त्र उम्मेदवारका रूपमा मैदानमा छन् गठबन्धनबीच एमालेलाई ६० र माओवादीलाई ४० प्रतिशतको हिसाबले सिट बाँडफाँटको सहमति भएअनुसार दुवै दलका नेताहरूले त्यसलाई सल्टाउने कसरत गरिरहेका छन् । यसअघि दाङ २ मा एमाले नेता शङ्कर पोखरेल र माओवादी केन्द्रका नेता कृष्णबहादुर महराको दाबी रहे पनि एमालेले पोखरेललाई प्रदेश ५ को मुख्यमन्त्री बनाउने गरी त्यस क्षेत्रमा महरालाई उम्मेदवार बनाउने गरी विवाद सल्टाएको नेता पाण्डेले बताउनुभयो त्यस्तै, चित्तवन २ मा एमाले नेता कृष्णभक्त पोखरेल र माओवादी केन्द्र नेता रामबहादुर थापा बादलबीचको दाबीलाई अझै सल्टाउन बाँकी रहेको नेता पाण्डेले बताउनुभयो । सो क्षेत्रमा दुवै दलको आ–आफ्नो दाबी कायमै छ, गोरखापत्रमा खबर छ ।

प्रकाशित मिति: २०७४,कार्तिक,१३,सोमवार ०२:२०

प्रतिक्रिया दिनुहोस !
सम्बन्धित खबरहरु

‘गामके अधिकारी तोहे बरका भैया हो, भैया हात दश पोखरी खुनाइ दिय, चम्पा फूल लगाइ दिय सामचको सामचको ऐहा हो,

काठमाडौं— नेपालमा इन्टरभेनसनल रेडियोलोजीको अन्तर्राष्ट्रिय सम्मेलन ‘एनएसभीआईआर—२०२३’ हुने भएको छ । नेपाल सोसाइटी अफ इन्टरभेन्सन रेडियोलोजीको आयोजना नेपालमा पहिलोपटक आगामी

झापा। झापाको भद्रपुरस्थित मेची नदी किनारमा उदाउँदो सूर्यको पूजा,उपासना सँगै अर्घ दिएपछि छठ पर्व सकिएको छ । उदाउँदो सूर्यदेवको पूजा

काठमाडौं । तराईबासीको ठूलो पर्व छठ बितेका केही वर्षयता देशभर मनाउन थालिएको छ । तराई तथा पहाडी मूलका सबै ब्रतालूले

ताजा समाचार

लगातार उकालो लागेको सुनको मूल्य आज स्थिर
 २०८०,मङ्सिर,१४,बिहीवार ११:००
दोस्रो एनटीए लिग आजदेखि हुँदै
 २०८०,मङ्सिर,१४,बिहीवार १०:३९
चार प्रदेशमा वर्षा र हिमपातको सम्भावना
 २०८०,मङ्सिर,१४,बिहीवार १०:३५
यस्तो छ आजको विनिमयदर
 २०८०,मङ्सिर,१४,बिहीवार १०:३१