शेयर बजार दोहोरो अङ्कले घट्यो


लोकपथ
प्रकाशित मिति : १९ जेष्ठ २०७६, आईतवार ११:०१

काठमाडौं । साताको पहिलो दिन शेयर बजारमा कारोवार मापक नेप्से परिसूचक दोहोरो अङ्कले घटेको छ  । 

नेपाल स्टक एक्सचेञ्जका अनुसार कारोवार मापक नेप्से परिसूचक १३ दशमलब ७९ बिन्दुले घटेर एक हजार ३०५ दशमलब ६८ अङ्कमा झरेको छ । ठूला कम्पनीको शेयर कारोवार मापन गर्ने सेन्सेटिभ परिसूचक ३ दशमलब ०३ बिन्दुले घटेर २७८ दशमलब १२ मा झरेको छ । 

स्टकका अनुसार कूल १ सय ६६ कम्पनीको २० लाख ७८ हजार ९१ कित्ता शेयर ७५ करोड ३२ लाख ५७ हजार २ सय ९ मूल्यमा खरीद बिक्री भए । कारोवार भएका कूल ११ उपसमूहमध्ये आज ‘आइतवार’ दुई उपसमूहको मात्रै शेयर वृद्धि भएको छ । त्यसमा होटल १२ दशमलब ६१ र उत्पादन १० दशमलब ११ बिन्दुले बढेको छ । 

त्यस्तै बैंकिङ १३ दशमलब ७७, विकास बैंक १ दशमलब २८, जलविद्युत् २२ दशमलब २८, वित्त २ दशमलब ४८, निर्जीवन बीमा ४२ दशमलब ८३, अन्य १२ दशमलब ४०, लघुवित्त १८ दशमलब ०८, जीवन बीमा ५९ दशमलब ३७ र सामूहिक लगानी कोष ० दशमलब ०१ बिन्दुले घटेको छ । 

स्टकका अनुसार आज प्रिमियर इन्स्योरेन्स कम्पनीको सबैभन्दा बढी कारोवार भएको छ । सो कम्पनीको १३ करोड दुई लाख ५९ हजार ९ सय ५४ मूल्यमा खरीद बिक्री भए ।

त्यस्तै शिवम् सिमेन्टको नौ करोड ३७ लाख ६६ हजार १ सय २८, नेपाल बैंक लिमिटेड चार करोड ४४ लाख ३० हजार ७ सय १८, प्रभु बैंक  चार करोड २५ लाख ६९ हजार ६ सय ६५, माथिल्लो तामाकोशी जलविद्युत् कम्पनी तीन करोड ४४ लाख ३७ हजार ३ सय ५४ र एनआइसी एसिया बैंक दुई करोड ३९ लाख ४७ लाख ७ सय ७१ मूल्यमा खरीद बिक्री भए शीर्ष स्थानमा रहे । 

स्टकका अनुसार कन्काइ विकास बैंकका शेयरधनीले आज ‘आइतवार’ ९ दशमलब ८८ प्रतिशतले कमाए । तारागाउँ रिजेन्सी होटेल ९ दशमलब ८०, माउण्टेन हाइड्रोपावर ५ दशमलब ७७, युनिभर्सल पावर कम्पनी ५ दशमलब २६, गुडबिल फाइनान्स कम्पनीका शेयरधनीले ३ दशमलब २० प्रतिशतले कमाएका छन् । 

त्यस्तै पाँचथर पावर कम्पनी ९ दशमलब ८१, ग्रीन डेभलपमेन्ट बैंक ८ दशमलब ८७, स्वदेशी लघुवित्त वित्तीय संस्था ६ दशमलब ०४, हिमालयन ऊर्जा विकास कम्पनी ५ दशमलब ०, गुह्वेश्वरी मर्चेन्ट बैंक एण्ड फाइनान्स कम्पनी ४ दशमलब ५४, स्पर्श लघुवित्त वित्तीय संस्थाका शेयरधनीले ४ दशमलब ५२ प्रतिशतले गुमाए । 

प्रतिक्रिया दिनुहोस
एनआईसी एशिया बैंक र ग्लोबल हस्पिटलबीच सम्झौता

काठमाडाैं । एनआईसी एशिया बैंक र ग्लोबल हस्पिटलबीच सम्झौता भएको छ। बैंकका कर्मचारी,

एनआईसी एशियाले एकै वर्षमा तीनवटा ऋणपत्र निष्कासनको अनुमति पायो

काठमाडौं। एनआईसी एशियाले चालु आर्थिक वर्षमा तीन वटा ऋणपत्र निष्कासन गर्ने अनुमति पाएको

एनआईबिएल सहभागिता फण्डको आवेदन खुल्यो

काठमाडौं । सामूहिक लगानी कोष ‘एनआईबिएल’ सहभागिता फण्डको आवेदन आज ‘आइतवार’देखि खुलेको छ

घान्द्रुकमा एक्सटेन्सन काउन्टर खुलेसँगै पर्यटक लाभान्वित हुने

घान्द्रुक । कास्कीको पर्यटकीयस्थल घान्द्रुकमा पोखरा फाइनान्स लिमिटेडले आज ‘बिहीवार’ देखि एक्सटेन्सन काउन्टर