१६ जेष्ठ २०७६, बिहीबार १०:५१

शेयर बजारमा उच्च अङ्कको कारोवार, नेप्से सामान्य अङ्कले वृद्धि


प्रकाशित मिति : १६ जेष्ठ २०७६, बिहीबार १०:५१

काठमाडौं । एक अर्ब ५२ करोड ८१ लाख ५१ हजार ७ सय ९२ बराबरको कारोवार भए पनि कारोवार मापन नेप्से परिसूचक आज ‘बिहीवार’ ५ दशमलव ५८ बिन्दुले मात्रै उकालो लागेको छ । 

अर्थमन्त्री डा. युवराज खतिवडाले बुधवार आगामी आर्थिक वर्षको बजेटमा शेयर बजारलाई सम्बोधन गर्ने केही नीतिगत व्यवस्था गरे पनि शेयर बजारमा भने त्यसको सामान्य प्रभाव परेको छ ।

नेपाल स्टक एक्स्चेञ्जका अनुसार कारोवार मापक नेप्से परिसूचक ५ दशमलव ५८ बिन्दुले बढेर एक हजार ३ सय १९ दशमलव ४७ अङ्कमा पुगेको छ । 

त्यस्तै ठूला कम्पनीको शेयर कारोवार मापन गर्ने सेन्सेटिभ परिसूचक एक दशमलव २३ बिन्दुले मात्रै बढेको छ ।

कूल १ सय ७४ कम्पनीको ४८ लाख ९४ हजार ६ सय ८१ कित्ता शेयर कारोवार भए । स्टकका अनुसार कारोवार भएका कूल ११ उपसमूह मध्ये चार उपसमूहको मात्रै शेयर उकालो लागेको छ  । बैंकिङ १० दशमलव ५९, अन्य दुई दशमलव शून्य सात, जीवन बीमा ९ दशमलव ५४ र सामूहिक लगानी कोष शून्य दशमलव शून्य सात बिन्दुले बढेको छ । 

त्यस्तै होटल १८ दशमलव ५४, विकास बैंक चार दशमलव ४४, जलविद्युत् ५ दशमलव २९, वित्त शून्य दशमलव शून्य नौ, निर्जीवन बीमा ६ दशमलव ७९, उत्पादन २४ दशमलव ३५ र लघुवित्त एक दशमलव ७८ बिन्दुले घटेको छ । 

कारोवारका आधारमा आज ‘बिहीवार’ शिवम् सिमेन्टको १७ करोड १९ लाख ६५ हजार १ सय ४९ मा कारोवार भयो । नेपाल बैंक लिमिटेड १६ करोड ६१ लाख ३४ हजार ६ सय ३८, प्रभु बैंक १० करोड ९९ लाख २१ हजार ६ सय ३३ र माथिल्लो तामाकोशी जलविद्युत् कम्पनी नौ करोड २२ लाख ९५ हजार १ सय ४४ मूल्यमा खरीद बिक्री भई शीर्ष स्थानमा रहे । 

स्टकका अनुसार हिमालयन ऊर्जा विकास कम्पनी नौ दशमलव ५९, रैराङ हाइड्रोपावर कम्पनी आठ दशमलव ३३, एनआइसी एशिया ग्रोथ फण्ड छ दशमलव ४१, ग्रिन डेभलपमेन्ट बैंकका शेयरधनीले पाँच दशमलव ९८ प्रतिशतले कमाए ।

त्यस्तै पाँचथर पावर कम्पनी नौ दशमलव ९४, नेशनल माइक्रोफाइनान्स पाँच दशमलव शून्य पाँच, कन्काई विकास बैंक चार दशमलव ७० र वेस्ट फाइनान्सका शेयरधनीले चार दशमलव ६२ प्रतिशतले गुमाए । 

प्रतिक्रिया दिनुहोस
सीको भ्रमणले नेपाली सुन्तला चीन निर्यात गर्ने बाटो खुल्यो

काठमाडौं । चिनियाँ राष्ट्रपति सी जिङ पिङको दुईदिने नेपाल भ्रमणले नेपाल र चीनबिच

समता लघुवित्तको २०० प्रतिशत हकप्रद आजदेखि

काठमाडौं । समता लघुवित्त वित्तिय संस्थाले आजबाट शेयर बिक्रिको लागी आवेदन खुला गरेको

माछापुच्छ्रे बैंकको २१औँं वार्षिक साधारण सभा सम्पन्न, गर्यो यस्ता निर्णय

काठमाडौं– माछापुच्छ्रे बैंक लिमिटेडको २१औँं वार्षिक साधारण सभा आज सम्पन्न भएको छ ।

यस्तो छ आजको शेयर बजार

काठमाडौं । दशैँको बिदा सकिएलगत्तै खुलेको धितोपत्र बजारमा शेयर कारोवार मापक नेप्से परिसूचक