काठमाडौं । नयाँ सत्ता समीकरण अनुसार बागमती प्रदेशमा हाम्रो नेपाली पार्टी (हानेपा) सरकारमा सामेल भएको छ ।
मुख्यमन्त्री शालिकराम जम्कटेलले हाम्रो नेपाली पार्टीका संसदीय दलका नेता शैलेन्द्रमान बज्राचार्यलाई मन्त्रीमा नियुक्त गरेका छन् ।
उनलाई संस्कृती पर्यटन तथा सहकारी मन्त्रालयको जिम्मेवारी दिइएको छ । उनको आजै शपथग्रहण हुने बताइएको छ ।
११० सदस्यीय प्रदेश सभामा हानेपाका २ सांसद रहेका छन् ।
बागमतीमा नेकपा एमालेका २७, माओवादी केन्द्रका २१, एकीकृत समाजवादीका २ र हाम्रो नेपाली पार्टीका सांसदको मुख्यमन्त्रीलाई समर्थन रहेको छ ।
त्यस्तै नेपाली कांग्रेसको ३७, राष्ट्रिय प्रजातन्त्र पार्टीका १३, नेपाल मजदुर किसान पार्टीका ३ सांसद सत्ता बाहिर रहेका छन् ।
बहुमतका लागि बागमतीमा ५६ प्रदेश सभा सदस्यको साथ आवश्यक हुन्छ ।
यो खबर पढेर तपाईलाई कस्तो महसुस भयो ?
प्रतिक्रिया