आर्थिक अनियमिततामा मुछिएका प्रमुख सेनानी कार्की बर्खास्त


प्रकाशित मिति : ११ जेष्ठ २०७६, शनिबार ०७:२०

काठमाडौं । नेपाली सेनाको उदयपुरस्थित कालिसिद्धी गणका प्रमुखलाई बर्खास्त गरिएको छ । 

कालिसिद्धी गणका प्रमुख सेनानी केशवराज कार्की आर्थिक अनियमिततामा मुछिएपछि बर्खास्तीमा परेका हुन् । 

शुक्रवार जनरल समरी सैनिक अदालतले कार्कीलाई दोषी ठहर गरेको छ । 

साथै सैनिक अदालतले सेवाबाट बर्खास्त गरेर ३ महिना कैद र अनियमितता भए बराबरको रकम फिर्ता गराउन आदेश समेत दिएको छ । 

आदेशलगत्तै उनलाई केन्द्रीय कारागार (जगन्नाथदेवल) चलान गरिएको स्रोतले बतायो ।

कालिसिद्धी गणमा रहँदा राष्ट्रपति चुरे संरक्षण कार्यक्रमको ४९ लाख रकम अनियमितता गरेको आरोप कार्कीमाथि छ । 

उनी विरुद्ध गत वैशाख पहिलो साता उजुरी परेको थियो ।

उजुरीपछि गठन भएको ‘कोर्ट अफ इन्क्वाइरी’ले प्रमुख सेनानी कार्कीको कैफियत देखाउँदै ‘कोर्ट मार्सल’ का लागि सिफारिस गरेको थियो । 

जसको आधारमा वैशाख २३ मा समरी जनरल सैनिक अदालत गठन भएको थियो ।

अदालतले कार्कीलाई थुनामा राखेर कारबाही प्रक्रिया अघि बढाएको थियो । छानविनपछि प्रधानसेनापति पूर्णचन्द्र थापालाई निष्कर्ष सुनाइएको थियो ।सैनिक स्रोतका अनुसार थापा

बाट अदालतको फैसला सदर भएपछि शुक्रवार आदेश सुनाइएको दाबी छ ।
 

Tags :
प्रतिक्रिया दिनुहोस
असोजभित्र बोलपत्र नभएका परियोजनाको रकम फिर्ता लिइन्छ : मन्त्री बाँस्कोटा

काठमाडौं । सञ्चार तथा सूचना प्रविधिमन्त्री गोकुलप्रसाद बाँस्कोटाले चालू आर्थिक वर्षको बजेटअन्तर्गत बोलपत्रको

एन आई सी एशिया बैंकको नयाँ शाखा सल्यानमा

काठमाडौं । एन आई सी एशिया बैंकले आफ्नो विस्तारको क्रममा सल्यानमा नयाँ शाखा

काठमाडौंको कपनमा हात, मुख बाँधेको अवस्थामा महिलाको शव फेला

काठमाडौं । काठमाडौंको कपनमा महिलाको शव फेला परेको छ। सोही स्थानमा डेरा गरि

अमेरिकासँग वार्ताका लागि तालिबान खुला

काठमाडौं । अफगानिस्तानका विद्रोही तालिबान समूहका मुख्य मध्यस्थकर्ताले संयुक्तराज्य अमेरिकासँग “वार्ताको ढोका” अझै