च्याम्पियन्स लिगको क्वाटरफाइनलमा रियल म्याड्रिड र सिटी भिड्ने

लोकपथ
2.3k
Shares

काठमाडौं । च्याम्पियन्स लिगको क्वाटरफाइनलमा रियल म्याड्रिड र म्यानचेस्टर सिटी भिड्ने भएसँगै यसले च्याम्पियन्स लिगको क्वाटरफाइनलको महत्व झनै बढाएको छ । म्याड्रिड र सिटी बीचको पहिलो लेग अप्रिल १० मा रियलको होम ग्राउण्ड सान्टियागो बर्नबेउ स्टेडियममा हुनेछ ।

त्यस्तै, क्वार्टरफाइनलमा केलियन एमबाप्पेको टोली पेरिस सेन्ट जर्मेन (पीएसजी) ले बार्सिलोनाको सामना गर्नेछ । पीएसजी र बार्सिलोनाबीचको पहिलो लेग पेरिसमा हुनेछ।

आर्सनलले बायर्न म्युनिखको सामना गर्नेछ भने अर्को क्वार्टर फाइनलमा एथ्लेटिको मड्रिड र बोरुसिया डर्टमन्डबीच हुनेछ ।

च्याम्पियन्स लिगको क्वाटरफाइनल ड्र :
आर्सनल (इंग्ल्याण्ड) विरुद्ध बायर्न म्युनिख (जर्मनी)
एट्लेटिको मड्रिड (स्पेन) विरुद्ध बोरुसिया डर्टमुन्ड (जर्मनी)
रियल म्याड्रिड (स्पेन) विरुद्ध म्यानचेस्टर सिटी (इंग्ल्याण्ड)
पेरिस सेन्ट जर्मेन (फ्रान्स) विरुद्ध बार्सिलोना (स्पेन)

पेप गार्डियोलाले के भने ?

रियल म्याड्रिड १४ पटकको च्याम्पियन हो र २०२२ को सेमिफाइनलमा सिटीलाई हराएको थियो, तर कार्लो एन्सेलोट्टीको टोली गत वर्षको अन्तिम चारमा पेप गार्डियोलाको पक्षबाट समग्रमा ५-१ ले पराजित भएको थियो।

गार्डिओलाले भने, ‘हामीसँग अर्को विकल्प छैन । आशा छ हामीले राम्रो खेल देखाउनेछौं। म्याड्रिडमा पहिलो खेल हुन अझै तीन हप्ता बाँकी छ, हामी राम्ररी तयारी गर्नेछौं।’

बायर्न म्युनिखका प्रशिक्षक थोमस टुकेलले ड्रमा भनेका छन् -‘अहिले हामी युरोपको उत्कृष्ट टोलीको सामना गरिरहेका छौं। उनीहरु दुई वर्षदेखि लगातार शीर्ष स्तरमा खेल्दै आएका छन् । त्यो खतरनाक टोली हो। तर, हामी तयार हुनेछौं। हामीलाई हाम्रो गुणस्तर थाहा छ।’

यो खबर पढेर तपाईलाई कस्तो महसुस भयो ?