जो अपराधै नगरी जेलमा पुगे, त्यसपछि यसरी फेरियो जीवन


प्रकाशित मिति : ८ जेष्ठ २०७६, बुधबार ०५:२१

काठमाडौं । अपराधशास्त्रमा एउटा सिद्धान्त छ, बरु सय अपराधी छुटुन् तर एउटा निरपराधीले सजाय भोग्न नपरोस् । नेपालमा पनि प्रायजसो कारागारको अगाडी यस्तो लेखिएको छ । तर वास्तविकता त्यस्तो हुँदैन । अपराध नगरी जेल सजाय भोगेका कैयौं व्यक्तिका उदाहरण वग्रेल्ती छन् नेपाली समाजमा । तिनै उदाहरणमध्येका एक हुन् विवेक उपाध्याय । 

हरेक अपराधी कारागार पुग्दैनन् र कारागारमा पुगेका हरेक व्यक्ति अपराधी हुँदैनन् भन्ने कुरा विवेकलाई उनको जीवन र अनुभवले सिकायो । जेलमा ४६ वटा अन्धकार रात गुजारीसकेपछि उनको जीवनमा सुनौलो बिहानी आयो । अहिले उनी जेलको व्यवस्थापन र कैदीको हकअधिकारका निमित्त काम गर्छन् । 

आफू जेलबाट निस्किएपछि उनले अर्काले गरेको अपराधमा मुछिएर जेल पुगेका, सानो रकम तिर्न नसकेर त्यहीँ बसेका करिब १ सय ५० जना कैदीहरुलाई नयाँ जीवन दिइसकेका छन् । 

त्यसो त एक सफल व्यवसायीबाट एकाएक अपराधीको कालो धब्बा आफ्नो नाममा लागेपछिको केही समय निकै कष्टकर रह्यो उनका लागि । घरबाट भाग्ने, आत्महत्या गर्ने जस्ता नकारात्मक सोच विवेकलाई घच्घचाउन आइरहन्थे । तर, भन्छन् नि हरेक नराम्रो समयको राम्रो पक्ष यही हो कि त्यो अवश्य बितेर जान्छ । सानासाना अपराधमा वर्षौंदेखि जेलजीवन काटिरहेका व्यक्तिलाई उनीहरुको परिवारसँग पुनर्मिलन गराइदिन पाउँदा त्यो कालो समय पनि अर्थपूर्ण लाग्छ विवेकलाई आजभोलि ।

जेलमा नराम्रो मान्छे हुँदैनन्, नराम्रो काम गरेका मान्छे हुन्छन् जसले दोस्रो मौका पाउनैपर्छ भन्ने विवेकको मान्यता हो । यही मान्यतालाई टिकाइराख्न उनले ‘हिड्न लाइफ फाउन्डेसन’ नामक संस्थाबाट कैयौं ‘हिडन लाइफ’लाई नयाँ जीवन दिइरहेका छन् । संस्थाले कैदीहरुलाई मुक्ति दिलाउने मात्र नभएर जेलबाट निस्किएपछि धेरैजनालाई रोजगारीको व्यवस्था समेत मिलाइदिएको छ ।

उनै विवेकको जीवन तथा भोगाइलाई ह्यासट्याग स्माइलको यस अंकमा समेट्ने कोसिस गरेका छौं । भिडियो हेर्न लिंक क्लिक गर्नुहोला :

Tags :
प्रतिक्रिया दिनुहोस
गाई हत्या र कुकुर हत्याको विरोधमा प्रदर्शन (फोटो फिचर)

काठमाडौं । सुर्खेतमा गाई हत्या र खोटाङमा कुकुर हत्या गरेको विरोधमा आज काठमाडौं

‘रुद्राक्ष’को एउटै रुखबाट २१ लाखसम्म आम्दानी

भोजपुर । भोजपुरमा आम्दानीको राम्रो स्रोतका रूपमा रुद्राक्ष खेतीलाई लिने गरिन्छ । रुद्राक्षको

१७ तस्वीरमा हेर्नुहोस ‘नाडा अटो शो २०१९’ को मेला (फोटो फिचर)

काठमाडौं । राजधानिको भृकुटी मण्डपमा वृहत अटो मेला ‘नाडा अटो शो २०१९’ चलिरहेको

रजस्वला हुँदा अझै गोठमा सुत्न बाध्य छन् सुदूर पश्चिमका महिला

आफ्नै घर भित्र पस्दा देउता रिसाउने डरले रजस्वला तथा सुत्केरी महिला घरभन्दा निकै