काठमाडौं । गण्डकी प्रदेशका मुख्यमन्त्री सुुरेन्द्र पाण्डेले मन्त्रिमण्डल पुनर्गठन गरेका छन् ।
मुख्यमन्त्री पाण्डेले राजिव गुरुङ दिपक मनाङेलाई भौतिक पूर्वाधार तथा यातायात मन्त्रालयको जिम्मेवारी दिएका हुन् ।
गत निर्वाचनमा मनाङबाट स्वतन्त्र रुपमा निर्वाचित मनाङे त्यसलगत्तै एकीकृत समाजवादीमा प्रवेश गरेका थिए । तर राजनीतिक समीकरणमा फेरबदल आएसँगै आइतबार उनले एकीकृत समाजवादी छाडेको घोषणा गरे । त्यसको भोलिपल्टै अर्थात् आज मन्त्री बनेका हुन् ।
मुख्यमन्त्री पाण्डेले मन्त्रिमण्डल पुनर्गठनको पत्र प्रदेश प्रमुखको कार्यालयलाई पठाएका छन् ।
आजै मनाङेको शपथ ग्रहण हुने बताइएको छ ।
यो खबर पढेर तपाईलाई कस्तो महसुस भयो ?
प्रतिक्रिया