विराटनगर । मोरङ क्रिकेट संघको आयोजनामा भइरहेको कोशी प्रदेश राष्ट्रिय टी–२० क्रिकेट प्रतियोगिताको फाइनल खेल आज हुँदैछ । बैजनाथपुरस्थित गिरिजाप्रसाद कोइराला स्मृति क्रिकेट रंगशालामा मध्यान्ह्र सवा १२ बजेबाट शुरु हुने खेलमा उपाधिका लागि विभागीय टोली त्रिभुवन आर्मी र कर्णाली प्रदेशले प्रतिस्पर्धा गर्दैछन् ।
आर्मी पहिलो सेमिफाइनल खेलमा सुदूरपश्चिम प्रदेशको चुनौतीलाई ५ विकेटले पन्छाउँदै फाइनलमा पुगेको हो ।
आर्मीले यस सिजनमा पिएम कप र केपी ओली कप गरी २ पटक फाइनल खेलिसकेको छ । आर्मी पिएम कपमा पुलिससँग र केपी ओली कपमा मधेश प्रदेशसँग फाइनलमा पराजित भएको थियो ।
यसैगरी, अन्तिम सेमिफाइनल खेलमा लुम्बिनी प्रदेशलाई ५ विकेटले पराजित गर्दै कर्णाली प्रदेशले फाइनलमा स्थान पक्का गरेको हो ।
चैत २२ गते सुरु भएको प्रतियोगितामा तीन विभागीय र ७ वटा प्रदेशका टिमले सहभागिता जनाएका छन् ।
बिहान १० बजे र दिउँसो २ बजे गरी दैनिक दुईवटा खेल सञ्चालन गरिएको थियो ।
प्रतियोगिताको उपाधि विजेता टिमले ५ लाख रुपैयाँसहित ट्रफी तथा उपविजेता टिमले ३ लाख र ट्रफी प्राप्त गर्ने आयोजक मोरङ क्रिकेट सँघका अध्यक्ष महमद साद बाबु कुरैसीले जानकारी दिए ।
यो खबर पढेर तपाईलाई कस्तो महसुस भयो ?
प्रतिक्रिया