दुवै खुट्टा गुमाएका हरिबुढाको सगरमाथा आरोहण मोह, भन्छन्, सर्वोच्च शिखरबाट गोर्खालीको गौरव सुनाउँछु


प्रकाशित मिति : ४ जेष्ठ २०७६, शनिबार ०४:३२

युद्धमा दुवै खुट्टा गुमाएका हरिबुढाको साहसिक यात्रा

काठमाडौं । यदि मसँग गोर्खाली हुँदा हुन् त संसारका कुनै सेनाले मलाई जित्न सक्ने थिएनन् । हिटलरले भनेका यी शब्दले गोर्खालीको इतिहास बोल्छ । त्यही इतिहास जसको आडमा अहिले पनि हामी आफ्नो शिर उचाल्छौं, छाती फूलाउँछौं । खुकुरी नचाएर दुश्मनको मुटु कमाउने सामथ्र्य बोकेका यिनै गोर्खालीका कारण हामीले जुन मानसम्मान कमाएका छौं त्यसका लागि धेरै सपूतले ज्यान गुमाएका छन् । धेरै आमाहरुका काख रित्तिएका छन्, धेरैजनाको सिउँदो पखालिएको छ । 

ही इतिहास जसको आडमा अहिले पनि हामी आफ्नो शिर उचाल्छौं, छाती फूलाउँछौं ।

मर्ने र मार्ने संकल्प लिएर युद्धभूमिमा उत्रिने कतिपय वीर सेनाहरु कहिल्यै फर्किदैनन् भने केही फर्किनेहरु पनि आधा शरीर बोकेर फर्किन्छन् र जीवनभर युद्धको छाप लिएर बाँच्छन् । त्यस्तै एउटा अमिट छाप लिएर बाँचिरहेका छन् हरिबुढा मगर । युद्धले उनको दुवै खुट्टा लगिदियो । र बाँच्ने इच्छा पनि ।

१ सेकेन्डको त्यस घटनाले उनका कैयौं घण्टा, महिना र वर्षहरुलाई प्रभाव पा-यो । घटनापछि हरिसँग सास त रह्यो तर, त्यसलाई डो-याउने खुट्टा रहेनन् । त्यस दिनदेखि उनले आफ्नो आत्मबल र इच्छाशक्तिले नै आफूलाई डो-याइरहेका छन्, संसारका कुनाकुनामा र त्यहाँ भेटिने मानिसहरुको मनमनमा । अहिले उनी ‘मोटिभेस्नलस्पीकर’का रुपमा देशविदेशका विश्वविद्यालयहरुको भ्रमण गर्छन् । परिवारसँगै बेलायतमा बस्ने उनले अबको समय भने आफ्नै देशमा अनुकरणीय कार्यहरु गरेर बिताउने योजना बुनेका छन् । 

सेकेन्डको त्यस घटनाले उनका कैयौं घण्टा, महिना र वर्षहरुलाई प्रभाव पा-यो । घटनापछि हरिसँग सास त रह्यो तर, त्यसलाई डो-याउने खुट्टा रहेनन् । 

हिमालसँग उनको विशेष लगाव छ । दुवै खुट्टा गुमाएपछि कृत्रिम खुट्टाको सहारामा हिमाल चढ्ने पहिलो व्यक्तिका रुपमा उनले विश्व कीर्तिमानी समेत राखिसकेका छन् । खुट्टा हुँदा असम्भव जस्तो लाग्ने क्रियाकलाप आजकल उनका लागि रमाइला एड्भेन्चर भएका छन् ।

अब हरिलाई नेपाललाई संसारभर चिनाउने सगरमाथाको टुप्पोमा बसेर जोडजोडले गोर्खालीको गौरव गाथा सुनाउन मन छ । आफ्ना शरीरका छापहरु सगरमाथालाई देखाउन मन छ जो उनको बहादुरी र आत्मविश्वासको प्रतीक हो । सगरमाथालाई भन्न मन छ, ‘तिमी जतिकै उच्च छ हामी गोर्खालीको कद ।’ 

हरिबुढा मगरको साहसिक यात्रा हेर्नलाई भिडियो लिंक क्लिक गर्नुहोस् :-

 

 

Tags :
प्रतिक्रिया दिनुहोस
गाई हत्या र कुकुर हत्याको विरोधमा प्रदर्शन (फोटो फिचर)

काठमाडौं । सुर्खेतमा गाई हत्या र खोटाङमा कुकुर हत्या गरेको विरोधमा आज काठमाडौं

‘रुद्राक्ष’को एउटै रुखबाट २१ लाखसम्म आम्दानी

भोजपुर । भोजपुरमा आम्दानीको राम्रो स्रोतका रूपमा रुद्राक्ष खेतीलाई लिने गरिन्छ । रुद्राक्षको

१७ तस्वीरमा हेर्नुहोस ‘नाडा अटो शो २०१९’ को मेला (फोटो फिचर)

काठमाडौं । राजधानिको भृकुटी मण्डपमा वृहत अटो मेला ‘नाडा अटो शो २०१९’ चलिरहेको

रजस्वला हुँदा अझै गोठमा सुत्न बाध्य छन् सुदूर पश्चिमका महिला

आफ्नै घर भित्र पस्दा देउता रिसाउने डरले रजस्वला तथा सुत्केरी महिला घरभन्दा निकै