गैरकानूनी निर्देशन किन दिए उद्योग मन्त्री यादवले ?


लोकपथ
प्रकाशित मिति : २ जेष्ठ २०७६, बिहीबार ११:१३

काठमाडौं । उद्योग, वाणिज्य तथा आपूर्तिमन्त्रालयले राजदुतावास र अदालतमा शेयर खरिदबिक्रीको अभिलेख राख्न भनी दिएको निर्देशन गैरकानूनी भएको बताइएको छ । 

वाणिज्यमन्त्री मातृकाप्रसाद यादवले राजदुतावास र अदालतमा शेयर खरिदबिक्रीको अभिलेख राख्न भनी दिएको निर्देशन गैरकानूनी भएको मन्त्रालयकै अधिकारीहरुले बताएका हुन् ।

बिहीवार संसदीय समितिमा उद्योग सचिव यामकुमारी खतिवडा र कम्पनी रजिष्ट्रारको कार्यालयका रजिष्ट्रार भुवनहरि अर्यालले मन्त्री यादवको सो निर्देशन गैरकानूनी भएको बताए ।

मन्त्री यादवले आफ्नो निजी सचिवालयमार्फत गत असार २७ गते कम्पनी रजिष्ट्रारको कार्यालयलाई शेयरको अभिलेख राख्ने व्यवस्था अदालत र राजदुताबासहरुमा पनि गर्न निर्देशनसहितको पत्र कम्पनी रजिष्ट्रारको कार्यालयलाई पठाएका थिए । 

तर, सो पत्र कानून सम्मत नभएको दाबी गर्दै खारेजको माग गरिएको छ । 

राष्ट्रियसभाको प्रायोजित व्यवस्थापन तथा सरकारी आश्वासन समितिमा सो पत्र खारेज गर्न माग गर्दै उजुरी परेको थियो । 

उक्त उजुरीबारे छलफल गर्न बसेको बैठकमा उद्योगमन्त्री यादवले दिएको निर्देशन कम्पनी ऐनमा व्यवस्था नभएको कम्पनी रजिष्ट्रारको कार्यालयका रजिष्ट्रार अर्यालले बताए । 

तर, यसरी निर्देशन दिन मिल्ने व्यवस्था नभए पनि मन्त्रीले असल मनसायले सुशासन ऐनअनुसार निर्देशन दिएको उद्योग सचिव खतिवडा बताउँछिन् । 
 

Tags :
प्रतिक्रिया दिनुहोस
एनसेल लाभकर विवादः सर्वोच्चले तेस्रोपटक पनि सार्‍यो निर्णय सुनाउने मिति

काठमाडौं । सर्वोच्च अदालतले निजी क्षेत्रको दुरसञ्चार सेवा प्रदायक कम्पनी एनसेलको ८० प्रतिशत

विदेशी बैंकमा पैसा राख्ने नेपालीको खोजी गर्न छः अर्थमन्त्री खतिवडा

काठमाडौं । अर्थमन्त्री डा. युवराज खतिवडाले विदेशी बैंकमा पैसा राख्ने नेपालीको खोजी गर्न

फाष्ट ट्र्याकको डीपीआर स्वीकृत

काठमाडौं । राष्ट्रिय गौरवको आयोजनाका रुपमा रहेको काठमाडौं (तराईरमधेश द्रुतमार्ग (फाष्टट्र्याक)को विस्तृत आयोजना

परिक्षण नगरिएका खसीबोका नेपाल भित्रिन दिँदैनः कृषि मन्त्री खनाल

काठमाडौं । कृषि तथा पशुपन्छी बिकास मन्त्री चक्रपाणी खनालले स्वस्थ परिक्षण नगरिएका खसीबोका