अस्ताए भोजपुरी भाषाका साहित्यकार मिश्र


लोकपथ
प्रकाशित मिति : २१ बैशाख २०७६, शनिबार ०५:५०

पर्सा । भोजपुरी भाषा तथा साहित्यका मूर्धन्य साहित्यकार पण्डित दीपनारायण मिश्रको निधन भएको छ  । 

बिहीवार राति ८४ वर्षको उमेरमा साहित्यकार मिश्रको वीरगञ्ज रेशमकोठीस्थित आफ्नै निवासमा निधन भएको हो । अनवरत भोजपुरी भाषा साहित्यको साधनामा तल्लीन रहेका मिश्र पछिल्लो केही वर्ष शारीरिक रूपमा अशक्त थिए । 

उच्च रक्तचाप, मधुमेह र मुटु रोगको समस्याबाट पीडित मिश्रको अन्त्येष्टि शुक्रवार अशोक वाटिकामा गरिएको छ । 

मिश्रको निधनबाट नेपालको भोजपुरी भाषा र साहित्यको क्षेत्रमा अपूरणीय क्षति भएको साहित्यकारहरूले बताएका छन् ।

साहित्यकार अरुणविक्रमशाहले भोजपुरी साहित्यको ‘भीष्मपितामह’ को रूपमा अत्यन्त सम्मान र श्रद्धा गरिँदै आएका मिश्रको निधनले भोजपुरी भाषा र साहित्यको क्षेत्रमा ठूलो क्षति भएको बताए ।

प्रकाशित कृतिहरूमा ‘अजामिल’ (भोजपुरी खण्डकाव्य), ‘अजुरीके फुल’ (राष्ट्रिय भोजपुरी कविता संग्रह), ‘फूलझरी’ (भोजपुरी सामाजिक कविता संग्रह),‘उत्सर्ग’ (हिन्दी कविता संग्रह), ‘दोहा नीति सार’ (नीतिसम्बन्धित दोहा संग्रह), ‘असली नेता हम कहाई’ (व्यंग्य कविता संग्रह), ‘एघरीके धरनी’ (व्यंग्य कविता संग्रह), ‘ससुराली’ (व्यंग्य कविता संग्रह) र ‘करनी भरनी’ (भोजपुरी कहानी संग्रह)रहेका छन् ।
 

प्रतिक्रिया दिनुहोस
कवि शरद पोख्रेलको मर्मस्पर्शी कविता : विज्ञप्ती

शरद पोख्रेल पहिले घरबारी कब्जा गर्छ, नांगो परेड खेल्छ र त्यसमै नाच भन्छ

प्रेमप्रसाद सञ्जेलको कविता : माथिकालाई चिल्लो लगाउँछ ! ( हेर्नुहोस् भिडियो )

श्रम कार्यालय विराटनगरका प्रमुख उपसचिव  प्रेमप्रसाद सञ्जेल भ्रष्टाचारविरोधी अभियन्ता हुन् । हामी घुस

कथाकार रवीन्द्र तिमसेनाको ‘आवरण’ सार्वजनिक

काठमाडौँ- कथाकार रवीन्द्र तिमसेनाको लघुकथा सङ्ग्रह ‘आवरण’ सार्वजनिक गरिएको छ ।  नेपाल प्रज्ञा–प्रतिष्ठान

ठगेन्द्र कुमार जमरकट्टेलको ‘समर्पण’ सार्वजनिक

काठमाडौं । ठगेन्द्र कुमार जमरकट्टेलले 'समर्पण' नामक कविता सङ्ग्रह बजारमा ल्याएका छन् ।