१८ फाल्गुन २०८०, शुक्रवार

वैदेशिक यात्रामा सँधै ओझेलमा पर्ने एक पाटो ‘समय पीडा’ 

२०८०,माघ,१८,बिहीवार १३:१४

702
Shares

काठमाडौं । वैदेशिक यात्रा, विदेश बसाइ, अनि विदेश पलायनको विभिन्न कथाहरु हामीले सुन्दै आएका छौँ । सामान्यतया कथाहरुले अभाव, राजनितिक अस्थिरता, बेरोजगारी इत्यादि कारणहरुले सिर्जिएको एउटै विकल्प ‘विदेश यात्रा’को बारेमा कुराहरु कोट्याउँछन् ।

विदेश यात्राले सिर्जिएको नतिजाहरुको प्राय कहिल्यै कथाहरु सुन्नमा आउँदैन् ।

यहि विरलै छोइने नतिजाको पाटोले कोहि लेखकलाई कहिलेकाहिँ नमिठो बिझाउँछ । यहि बिझाइ नै हो कक्षा ९ को नेपाली किताबको एउटा पाठ ‘समय पीडा’ । ‘समय पीडा’लाई कथाकार पद्मावती सिंहले रचना गरेकी हुन् ।

समय पीडाले नेपाली समाजको यथार्थ चित्रण गरेको छ । पछिल्लो वर्षको तथ्याङ्क हेर्ने हो भने दैनिक रुपमा चौध सय हाराहारी नेपाली विदेशिएको पाइन्छ, त्यसमा वार्षिक रुपमा करिब एक लाख विद्यार्थीहरु उच्च शिक्षाको अभिलाषामा विदेशिएका छन् । यस तथ्याङ्कले वार्षिक करिब तिस खर्ब विदेशिएको देखिन्छ । अनि विदेशले लगेको यहि रकमको व्याज देशले रेमिटेन्स र यादहरुको बिस्कुनको रुपमा भित्राउँछ । यहि नतिजाको कथा हो ‘समय पीडा’ ।

रकम त कति भित्राए भित्राएनन् मुख्य पात्र रामनाथ र आनन्दिले, तर विदेश गएका छोराहरुको यादहरु फोटो एल्बममा खोजिरहन्छिन् आनन्दि । माघे सङ्क्रान्तिका लड्डु ओठमा पुग्दा नपुग्दै उहि छोराहरुको यादले बिझाइहाल्छ कथाकि पात्र आनन्दिलाई । रामनाथले एउटा बिन्दुमा पुगेपछि पुत्र मोह त्यागि सक्छन् तर आनन्दिले भने उनै छोराको आश मार्न कहिल्यै सकिनन् ।

उमेर पुगेपछि विदेशिने र विदेशी रमझममा नै रमेर स्वदेशमा आफ्ना परिवार र देश प्रतिको कर्तव्यलाई बिर्सने प्रवृत्ति बढ्दो छ । ‘समय पीडा’ ले देशको यहि पिडा बोलेको छ । हाल नेपालमा घटिरहेको समस्या युवाहरुको विदेश मोहलाई यस कथाले दर्साउन खोजेको छ ।

विगत १० वर्ष देखि कलाकारितालाई आफ्नो कर्म बनाएका सुन्दर धितालको निर्देशनमा बनेको यो पहिलो नाटक हो । यस अघि विभिन्न चलचित्रमा अभिनय गरिसकेका धितालले मञ्चमा २४ मा १२, ज्ञानको चिहान लगायत विभिन्न नाटकमा आफ्नो प्रमुख भुमिका निभाइसकेका छन् । पात्रहरुको मनोविज्ञानलाइ बुझेर सोहि अनुसार हुबहु मञ्चमा उतार्ने बेजोड कला छ उनमा ।

अहिले उनै धितालले निर्देशन गरेको ‘समय पीडा’ गत माघ १० गतेबाट रातोपुलस्थित ओजस थिएटर एण्ड फिल्म स्टुडियोमा चलिरहेको छ । शनिबार विशेष सो चलाउने गरिएको छ ।

अहिलेको जल्दोबल्दो विषय वैदेशिक रोजगारी र त्यसका आयामहरुका बारेमा मिहिन ढंगले उृतारिएका कारण दर्शकको राम्रो प्रतिक्रिया पाइरहेको छ ।

प्रकाशित मिति: २०८०,माघ,१८,बिहीवार १३:१४

प्रतिक्रिया दिनुहोस !
सम्बन्धित खबरहरु

काठमाडौं । यही फागुन २५ गतेबाट रिलिज हुने फिल्म ‘उपहार’को नयाँ गीत ‘कहिले बार बिर्सिन्छु’ सार्वजनिक भएको छ ।बिहीबार सार्वजनिक

काठमाडौं । अभिनेता प्रदीप खड्काको प्रमुख भूमिकामा अभिनय रहने फिल्म ‘एक्टर’मा नवअभिनेत्रीका रुपमा दिव्या रायमाझी जोडिएकी छन् । निर्माणपक्ष र

काठमाडौं । अभिनेता अर्पण थापा विशेषत फिल्ममा नकारात्मक चरित्रमा रुचाइएका अभिनेता हुन् । उनले आफूले अभिनय गरेका प्रत्येक फिल्मका चरित्रमा

काठमाडौं । पप स्टार एडेलले स्वास्थ्यको कारण जनाउँदै संगीतबाट केही समय ब्रेक लिने घोषणा गरेकी छन् । उनले सामाजिक सञ्जालमार्फत

ताजा समाचार

भरतपुरमा पर्यटन विकासको सम्भावना प्रचुर : ओली
 २०८०,फाल्गुन,१८,शुक्रवार १६:३०
भ्रमण वर्षले चितवनको पर्यटन प्रवर्द्धन टेवा
 २०८०,फाल्गुन,१८,शुक्रवार १६:२५
‘फास्ट ट्रयाक २०८३ सम्म तयार हुन्छ’
 २०८०,फाल्गुन,१८,शुक्रवार १५:४०