७ बैशाख २०७६, शनिबार ०७:४३

मधेश केन्द्रीत छ दल एक भएको दुई वर्ष पूरा, २४ महिनामा के गर्यो राजपाले ?


प्रकाशित मिति : ७ बैशाख २०७६, शनिबार ०७:४३

मधेशका मसिहा ठान्ने ६ वटा राजनीतिक दल एकीकरण भएर राष्ट्रिय जनता पार्टी (राजपा) बनेको दुई वर्ष पूरा भएको छ । 

मूलधारको राजनीतिमा विभिन्न उतार–चढाव खेप्दै राजपाले दुई वर्षको आफ्नो यात्रा पूरा गरेको हो । 

मधेशका मुद्दा उठाएर राजनीति गरिरहेका छ दल २०७४ वैशाख ७ गते एक भएका थिए । 

महन्थ ठाकुर नेतृत्वको तराई–मधेश लोकतान्त्रिक पार्टी, राजेन्द्र महतो नेतृत्वको सद्भावना पार्टी, महेन्द्र राय यादव नेतृत्वको तराई–मधेश सद्भावना पार्टी, शरतसिंह भण्डारी नेतृत्वको तराई–मधेश समाजवादी पार्टी, अनिल झा नेतृत्वको नेपाल सद्भावना पार्टी र राजकिशोर यादव नेतृत्वको मधेशी जनअधिकार फोरम नेपाल मिलेर आजकै दिन एकता घोषणा गरेका थिए ।

दुई वर्षको एकीकृत पार्टीको यात्रा त्यति सफल बन्न नसकेको विश्लेषकहरू बताउँछन् । 

विभिन्न उताव चढावकाबीच राजपा नेपालले आफ्नो दोस्रो स्थापना दिवस आज (शनिवार) मनाउँदैछ । 

राजपा नेपालले शनिवार काठमाडौंको डिल्लीबजारको एक होटलमा कार्यक्रमको आयोजना गर्दै आफ्नो स्थापना दिवस मनाउँन लागेको हो ।  

आफ्नो दोस्रो वर्ष पूरा गरेर तेस्रो वर्षमा प्रवेश गरेको राजपाको दुई वर्षे राजनीतिक यात्रा कस्तो रह्यो ? कस्तो उचाव चढावको सामना गर्नुपर्यो ? सरकारलाई गरेको समर्थन फिर्ता पछिको यात्रा कस्तो होला ? संघीय समाजवादी फोरम नेपालसँगको पार्टी एकीकरण कहाँ पुग्यो ? यी विषयमा पार्टीगत रुपमा पनि समिक्षा भएकै होला । 

२०७२ सालमा नेपालको संविधान घोषणा भएदेखि तराई–मधेशको मुद्दा उठाएका राजनीतिकदलहरू आफूहरू कुरालाई संविधानले नसमेटेको भन्दै आन्दोलनरत थिए । 

विभिन्न गठनबन्धन बनाएर आन्दोलन गर्ने क्रममा नै जन्मियो राजपा । 

फुटेरभन्दा जुटेर आन्दोलन गर्दा आफूहरूको मुद्दालाई स्थापित गर्न सकिन्छ भन्ने उद्देश्यले निर्माण भयो राजपा । 

पार्टी एकीकरण भएको दुई वर्ष वितिसक्दा पनि उनीहरूको माग अझै पूरा हुन सकेको छैन । 

आफ्नो माग पूरा गराउनका लागि सडकदेखि सदनसम्म आन्दोलन जारी राख्ने राजपा अध्यक्ष मण्डलका सदस्यहरु बताउँछन् । 

‘हामी जुन उद्देश्यका लागि एक भएका हौँ, त्यो उद्देश्य पूरा गर्नका निम्ति सडकदेखि सदनसम्म आन्दोलन जारी राख्छौँ । हामी स्थानीय, प्रदेश र केन्द्रीय संसदसम्म आन्दोलन गर्छौं ।’राजपा नेपालका महामन्त्री केशव झाले लोकपथसँगको कुराकानीमा बताए । 

साथै सरकारले आफूहरलाई घोका दिएको समेत उनले बताए । 

सरकारमा रहँदा हरेक हप्ता–१० दिनमा प्रधानमन्त्री केपी शर्मा ओलीलाई आफ्नो मागबारे जानकारी दिन बालुवाटर पुगेर घचघचाउने गरेको कुरा समेत राजपा महामन्त्री झाले बताए ।  

उनले भने, ‘आफ्नो माग सम्बोधन बारे जानकारी गराउँदै सरकारले कहिले भारत भ्रमण पछि, कहिले चीन भ्रमण पछि त कहिले दशैँ अगाडी पूरा गर्ने भन्दै समय मात्र तोक्नु भयो । तर, माग भने सम्बोधन भएन । सरकारले हामिलाई धोका दिए र सरकारलाई गरेको समर्थन फिर्ता लियौँ ।’

आजबाट तेस्रो वर्षमा लागेको राजपाले मूलमन्त्रसहित अगाडी बढ्ने महामन्त्री केशव झाले बताएका छन् । 

उनले भने, ‘संगठन, संघर्ष र समृद्धीलाई मूल मन्त्र बनाएका छै, यसै आधारमा अगाडी बढ्छौ ।’

त्यस्तै भोलि (आइतवार)देखि राजपा पदाधिकारी समितिको बैठक बस्दैछ । 

उता प्रदेश २ मा राजपा र संघीय समाजवादी फोरमको सरकार छ । 

राजपाले पार्टी स्थापना भएको एक वर्षमा महाधिवेशन गर्ने विधानमा उल्लेख गरेको भएपनि पछि विधान संशोधन गरेको थियो । 

संशोधित विधान अनुसार आजबाट महाधिवेशन गर्ने तयारी गरेको राजपाले फेरि पनि महाधिवेशनको मिति एक महिना पछि सार्ने तयारी गरेको छ । 

प्रतिक्रिया दिनुहोस
नेविसङ्घद्वारा कालापानी र लिपुलेक समेटिएको नक्शा सार्वजनिक

भारतले नेपालीभूमि समेटेर नक्शा सार्वजनिक गरेपछि उत्पन्न राजनीतिक तरङ्गकाबीच विद्यार्थीले अतिक्रमित नेपाली भूमिसहितको

कोहलपुर प्रकरणमा बोल्यो काँग्रेस

आइतबार बाँकेको कोहलपुरमा भएको घटनाप्रति काँग्रेसले आफ्नो गम्भीर ध्यानाकर्ष भएको जनाएको छ ।

घटना विशेषलाई लिएर सरुवा तथा बढुवा सम्बन्धी विधेयक ल्याउन हुँदैनः मन्त्री त्रिपाठी

काठमाडौं । संघीय मामिला तथा सामान्य प्रशासन मन्त्री हृदयेश त्रिपाठीले घटना विशेषलाई लिएर

नेकपाको सचिवालय बैठक : के भयो निर्णय ?

काठमाडौं । नेकपाको आज बसेको सचिवालय बैठकले मंसिर २९ र ३० गते काठमाडौंमा