गोविन्द केसी पक्राउ

काठमाडौं । वरिष्ठ चिकित्सक डा. गोविन्द केसी पक्राउ परेका छन् ।

चिकित्सा शिक्षा सुधार लगायत विभिन्न मागसहित मुखमा टेप लगाएर आन्दोलनमा निस्किएका केसीलाई प्रहरीले पक्राउ गरेको हो ।

सशस्त्र द्धन्दकालका पीडितलाई न्याय पिडकलाई सजाय, खोसिएका नागरिक अधिकार फिर्ता गर, सशस्त्र द्धन्द पीडितलाई न्याय, सबै नेपालीहरुको स्वास्थ्य सेवा र शिक्षामा समान पहुँच, नागरिक अधिकारको संरक्षण लगायत प्ले कार्ड बोकेर आन्दोलनमा निस्किएका केसीलाई प्रहरीले पक्राउ गरेको हो ।

उनीसहित आन्दोलनमा निस्किएका केही व्यक्तिहरुलाई पक्राउ गरी अहिले प्रहरीवृत्त सिंहदरबारमा राखिएको उनका एक सहयोगीले जानकारी दिए ।

केसी लामो समयदेखि नेपालको चिकित्सा शिक्षा सुधारको मागसहित आन्दोलन र अनसन गर्दै आइरहेका छन् ।