राष्ट्रपति भण्डारी चीन जाँदै, नेपाल–चीन पारवहन सम्झौताको प्रोटोकलमा हस्ताक्षर हुने


लोकपथ
प्रकाशित मिति : २ बैशाख २०७६, सोमबार ०६:२६

काठमाडौं । राष्ट्रपति विद्यादेवी भण्डारी चीन भ्रमणमा जाने भएकी छिन् । राष्ट्रपति भण्डारी यही वैशाख ११ गते चीन भ्रमणमा जान लागेकी हुन् । 

भण्डारी बेल्ट एन्ड रोड इनिसियटिभ (बिआरआई)को दोस्रो शिखर सम्मेलनमा भाग लिन बेइजिङ जान लागेकी हुन् । सम्मेलन अप्रिल २५ देखि बेइजिङमा हुँदैछ । 

परराष्ट्र मन्त्रालय र बेइजिङस्थित नेपाली दूतावासले राष्ट्रपति भण्डारीको भ्रमण तयारी तीव्र पारेका छन् । 

वैशाख १२ र १३ गते हुने बीआरआइ फोरममा सहभागितापछि राष्ट्रपति भण्डारीले चिनियाँ राष्ट्रपतिसँग भेटवार्ता गर्ने कार्यक्रम तय भएको छ । 

यद्यपी राष्ट्रपति भ्रमणको आधिकारिक कार्यक्रम भने सार्वजनिक गरिएको छैन ।

दुई राष्ट्रपतिको भेटमा तीन वर्षअघि भएको नेपाल–चीन पारवहन सम्झौताको प्रोटोकलमा हस्ताक्षर हुने परराष्ट्रमन्त्री प्रदिप कुमार ज्ञावलीले जानकारी दिए । 

चीनले एसिया, अफ्रिका र युरोपलाई जल र जमिनबाट जोड्ने लक्ष्यसाथ ल्याएको बिआरआईमा नेपालले हस्ताक्षर गरिसकेको छ ।

उता केपी शर्मा ओली पहिलोपटक प्रधानमन्त्री हुँदा २०७२ चैतमा भएको सम्झौता कार्यान्वयनपछि चीनका सामुद्रिक र सुख्खा बन्दरगाहसम्मको पहुँचले नेपालको विश्वबजारसँग जोडिने बाटो फराकिलो हुने ठानिएको थियो । तर सम्झौतापछि नेपालले सक्रिय पहलकदमी नलिँदा अहिलेसम्म यो विषय टुंगोमा पुग्न सकेको छैन । 

साथै चिनियाँ राष्ट्रपतिलाई राष्ट्रपति भण्डारीले नेपाल भ्रमणको निम्तो दिने तयारी छ । 

राष्ट्रपति भण्डारी बेइजिङ भ्रमण सकेर चीनको स्वशासित क्षेत्र तिब्बत जाने कार्यक्रम रहेको छ भने उनी तिब्बत भ्रमण सकेर वैशाख १९ गते स्वदेश फर्किने कार्यक्रम छ । 

 

प्रतिक्रिया दिनुहोस
कम्युनिष्टको राष्ट्रवादी नारामा देशभक्ति छैन : पौडेल

हेटौँडा–नेपाली काङ्ग्रेसका वरिष्ठ नेता रामचन्द्र पौडेलले कम्युनिष्टको राष्ट्रवादी नारामा देशभक्ति नरहेको टिप्पणी गर्नुभएको

जापान सरकारले नेपाललाई गर्ने भयो ठूलो धनराशीको सहयोग

काठमाडौ । जापान सरकारले विद्यालय क्षेत्र सुधार कार्यक्रम तथा मानव संशाधन विकास परियोजना

राहत लिएर तराई पुग्यो नेविसंघ

काठमाडौं । जननायक बीपी कोइरालाको स्मृति दिवसको अवसर पारेर नेपाल विद्यार्थी संघले बाढी

गोकर्ण विष्टसँग गर्जिए सांसद, निर्देशिका र कार्यविधि बारे यस्तो स्पष्टोक्ती

काठमाडौं । श्रम, रोजगार तथा सामाजिक सुरक्षामन्त्री गोकर्ण विष्टले आफ्नो मन्त्रालयको निर्देशिका र