१८ फाल्गुन २०८०, शुक्रवार

राष्ट्रिय स्वतन्त्र विद्यार्थी युनियनद्वारा एनसेलको शेयर बिक्रीबारे छानबिन गर्न माग

२०८०,मङ्सिर,२१,बिहीवार १८:१५

27
Shares

काठमाडौं । सभामुख देवराज घिमिरेलाई अखिल नेपाल राष्ट्रिय स्वतन्त्र विद्यार्थी युनियनले ज्ञापनपत्र बुझाएको छ ।

बिहीबार सभामुखको कार्यकक्ष सिंहदरबारमा युनियनले एनसेलको शेयर खरिद बिक्री प्रकरण छानबिनको माग गर्दै ज्ञापनपत्र बुझाएको हो ।

नेपालकै बैंक तथा वित्तीय संस्थाहरुको अरबौं ऋण लगानी समेत भएको कम्पनीको ८० प्रतिशत शेयर नेपाल दूरसञ्चार प्राधिकरणलाई पूर्वजानकारी नगराई बिक्री गर्नुले पूँजीगत लाभ कर लगायत कर छलीको उद्देश्य देखिएको विज्ञप्तिमा उल्लेख गरिएको छ ।

विज्ञप्तिमा लेखिएको छ, ‘यस सम्बन्धमा सत्यतथ्य छानबिन गरी सरकारलाई आवश्यक दबाब सिर्जना गर्न सडकमा विरोध प्रदर्शन गरिरहेको जानकारी गराउन चाहन्छौँ । एउटा खरबौँको सम्पत्ति रहेको, नियमित रुपमा मुनाफा आर्जन गरिरहेको तथा नेपालकै बैंक तथा वित्तीय संस्थाहरुको अरबौं ऋण लगानी समेत भएको कम्पनीको ८० प्रतिशत शेयरलाई नेपाल दूरसञ्चार प्राधिकरणलाई जानकारी नगराई बिक्री गर्नुले पूँजीगत लाभ कर लगायत कर छली गर्ने उद्देश्य राखेको देखिन्छ । यस सम्बन्धमा शेयर बिक्री प्रकरण, एनसेलको आय–व्ययमाथि विस्तृत छानबिन गर्न आवश्यक छ ।’

एनसेल शेयर खरिद बिक्री प्रकरण आफैंमा अपारदर्शी तथा अविश्वसनीय रहेको भन्दै नेपाल सरकारलाई स्वामित्व हस्तान्तरणमा आलटाल गर्ने उद्देश्य राखेको र नेपालमा विदेशी लगानीको वातावरण बिगार्ने गतिविधि भएको युनियनले जनाएको छ ।

प्रतिनिधि सभाअन्तर्गत उच्चस्तरीय संसदीय छानबिन समिति वा विशेष समितिमार्फत छानबिन गरी सत्य तथ्य पत्ता लगाई ठोस समाधान गर्न माग गरिएको छ ।

प्रकाशित मिति: २०८०,मङ्सिर,२१,बिहीवार १८:१५

प्रतिक्रिया दिनुहोस !
सम्बन्धित खबरहरु

विराटनगर । दोस्रो संस्करणको विराटनगर हब अन्तर विद्यालय महिला क्रिकेट प्रतियोगितामा लगातार ४ खेलमा विजयी हुँदै सरस्वती स्कुल र वालिका

ठूला र बडाको हार कहाँ छ, समान देख्ने आधार कहाँ छ ?एउटालाई बचाउन अर्को मर्नु पर्ने, सबलाई बराबर संसार कहाँ

काठमाडौं । फिल्म निर्मातासमेत रहेका अभिनेता दीपकराज गिरी सामाजिक सञ्जालमा सक्रिय रहिरहने फिल्मकर्मीमा पर्छन् । उनी समसामयिक विषयमा आफ्ना धारणा

काठमाडौं । कांग्रेसका सभापति शेरबहादुर देउवाले सरकार र निजी क्षेत्रबीच सहकार्यविना पर्यटन क्षेत्रको विकास सम्भव नहुने बताएका छन् । नारायणी

ताजा समाचार

प्रिन्स र प्रफुल उपाधिका लागि पुन : भिड्ने
 २०८०,फाल्गुन,१८,शुक्रवार १७:५०
बालिका र सरस्वती महिला क्रिकेटको फाइनलमा
 २०८०,फाल्गुन,१८,शुक्रवार १७:४६
‘दिमागका फोहोर हटाउने साबुन साहित्य हो’
 २०८०,फाल्गुन,१८,शुक्रवार १७:३३
सेन्सर बोर्डप्रति दिपकराज गिरीको कटाक्ष
 २०८०,फाल्गुन,१८,शुक्रवार १६:५१
भरतपुरमा पर्यटन विकासको सम्भावना प्रचुर : ओली
 २०८०,फाल्गुन,१८,शुक्रवार १६:३०