एनसेलको शेयर खरिद–ब्रिकीमा अनियमित भएको भन्दै रास्वपाको ध्यानाकर्षण

काठमाडौं । राष्ट्रिय स्वतन्त्र पार्टी (रास्वपा) ले एनसेलको शेयर खरिद ब्रिकीमा अनियमित भएको भन्दै निष्पक्ष छानबिनको माग गरेको छ ।

बुधबार सिंहदरबारमा बसेको संघीय संसदको प्रतिनिधि सभा अन्तर्गतको अर्थ समितिको बैठकमा रास्वपाका सांसदहरुले एनसेलको सेयर खरिद बिक्रीमा अनियमितता भएको भन्दै गम्भिर ध्यानाकर्षण गराएका हुन् ।

कार्यक्रममा बोल्दै रास्वपा सांसद विराजभक्त क्षेष्ठले भने ‘ एनसेल प्रकरणले देशमा कुन चरणको भ्रष्टाचार छ भन्ने कुरा देखाइदिएको छ । एजियाटा कम्पनिले जुन खालको नेपालको बारेमा अभिव्यक्ति दिनुभएको छ त्यसले भोली नेपालका लगानीको वातावरण कसरी बन्छ ?’एउटा कम्पनीको एक जना व्याक्तिले देशमा लगानीको वातारवण छैन भनेको भन्दै यसको जिम्मेवारी कसले लिन्छ भन्दै प्रश्न समेत गरेका छन् ।

रास्वपाले बुझाएको ध्यानाकर्षणपत्रमा याक्जियटाका प्रमुख कार्यकारी, एनसेलका नेपाली मूलका साझेदारी, अर्थमन्त्री, सञ्चारमन्त्री, लगानी बोर्डका प्रमुख कार्यकारी, नेपाल दूरसञ्चार प्राधिकरणका अध्यक्षलगायतका समितिमा बोलाइ सोधपुछ गर्न माग गरिएको छ ।