आफ्नै श्रीमतीको हत्या गरेको अभियोगमा एकजना पक्राउ

काठमाडौं । आफ्नै श्रीमतीको हत्या गरेको अभियोगमा एक जनालाई प्रहरीले पक्राउ गरेको छ ।

२० वर्षीया पवित्रा बयलकोटीको हत्या गरेको अभियोगमा धादिङको धुनिवेशी नगरपालिका–४ जिबनपुर बस्ने २७ वर्षीय रामचन्द्र बयलकोटीलाई आइतबार राति प्रहरीले पक्राउ गरेको हो ।

रामचन्द्रले सोही नगरपालिका–१ डुम्रेचौरस्थित सडकमा पवित्रालाई धारिलो हतियार प्रहार गरेको खबर प्राप्त हुनासाथ ईलाका प्रहरी कार्यालय खानीखोला र प्रहरी चौकी जिबनपुरबाट प्रहरी टोली तत्काल घटनास्थल पुगेको थियो ।

तत्काल फरार रहेका रामचन्द्रलाई खोजी गर्ने क्रममा धुनिवेशी नगरपालिका–७ खानीखोला बजारमा फेला पारी पक्राउ गरिएको हो ।
यस सम्बन्धमो थप अनुसन्धान गरिरहेको प्रहरीले जनाएको छ ।