ताप्लेजुङमा योगेश भट्टराई सवार गाडी तोडफोड

काठमाडौं । नेकपा एमालेका सचिव योगेश भट्टराई सवार गाडी तोडफोड भएको छ ।

गृहजिल्ला ताप्लेजुङमा पार्टी कार्यक्रम सकेर फर्किँदै गर्दा केही युवाको समूहले गाडीमाथि तोडफोड गरेको भट्टराईले लोकपथलाई जानकारी दिए ।

कोशी प्रदेशमा पहिचानको नारा लगाइरहेको युवाहरुको समूहले गाडी तोडफोड गरेको उनले बताए ।

‘ताप्लेजुङमा पार्टी कार्यक्रम सकेर फर्किरहेको अवस्थामा कोशी पहिचानको नारा लगाइरहेका युवाहरुको समूहले होहल्ला गर्दै गाडीमा समेत तोडफोड गरे ।’ उनले भने ।

उनका अनुसार उनी र उनीसँग रहेका व्यक्तिहरु भने सुरक्षित रहेका छन् ।