काठमाडौं । तराईबासीको ठूलो पर्व छठ बितेका केही वर्षयता देशभर मनाउन थालिएको छ ।
तराई तथा पहाडी मूलका सबै ब्रतालूले आज, बुधबार, साँझ अस्ताउँदो सूर्यलाई अर्घ्य दिएका छन ।
तराईका विभिन्न ठाउँसँगै आज काठमाडौंको गौरीघाट, कमलपोखरी, थापाथलीलगायतका स्थानमा छठ मनाएका छन् ।
यही क्रममा छठ घाटमा भेला भएका ब्रतालुले अस्ताउँदो सूर्यलाई पूजा आराधनासहित अर्घ्य दिएर छठ पर्वको मुख्य दिनको विधि पूरा गरेका छन् ।
यसैबीच राष्ट्रपति रामचन्द्र पौडेल गौरीघाट पुगेका थिए। पौडेलले गुह्येश्वरीमा तयार पारिएको छठी माताको दर्शन गरेका छन् ।
यसअघि काठमाडौं महानगरका मेयर बालेन शाह पनि त्यहाँ पुगेर छठी माताको दर्शन गरेका छन् ।
यो खबर पढेर तपाईलाई कस्तो महसुस भयो ?
प्रतिक्रिया