अघि बढ्यो माओवादी र नेसपाको एकता प्रक्रिया (विज्ञप्तिसहित)

काठमाडौं । नेकपा माओवादी केन्द्र र नेपाल समाजवादी पार्टी (नेसपा) बीच पार्टी एकताको काम अघि बढेको छ ।

आज दुवै पार्टीको वार्ता समितिको बैठकले पार्टी एकताको काम अघि बढाएका हुन् ।

आजको बैठकमा पार्टी एकताका लागि दुवै पार्टी केन्द्रलाई पार्टी एकता संयोजन समिति गठनका लागि सुझाव दिने निर्णय भएको छ । त्यस्तै बैठकले दुवै पार्टीले उठाइरहेका वैचारिक र नीतिगत विषयहरुमा छलफल गरी सहमतिको आधारमा अगाडि बढ्ने मर पार्टीको विधान, नाम, संगठनात्मक संरचना, चुनाव चिह्न लगायतका विषयहरुमा पार्टी एकता संयोजन समितिले सहमति गरे अनुरुप अघि बढ्ने निर्णय भएको हो ।

बैठकपछि जारी विज्ञप्तिमा भनिएको छ, ‘बैठकमा पार्टी एकताको लागि दुवै पार्टी केन्द्रलाई पार्टी एकता संयोजन समिति गठन गर्न सुझाव दिने साथै उक्त पार्टी एकता संयोजन समितिले दुवै पार्टीले उठाइरहेका वैचारिक र नीतिगत विषयहरुमा छलफल गरी सहमतिको आधारमा अगाडी बढ्ने र पार्टीको विधान, नाम, संगठनात्मक संरचना, चुनाव चिह्न, लगायतका विषयहरुमा पार्टी एकता संयोजन समितिले सहमति गरे अनुरुप अगाडी बढ्ने गरी दुवै पार्टीलाई सुझाव दिने निर्णय गरियो ।’