९ फाल्गुन २०८०, बुधबार

बाम गठबन्धनले कांग्रेसलाई एकतावद्द हुन सहयोग पुगेको छ : प्रचण्ड

२०७४,कार्तिक,१०,शुक्रवार १४:४७

0
Shares

पोखरा, १० कात्तिक – पूर्व प्रधानमन्त्री एवं माओवादी केन्द्रका अध्यक्ष प्रचण्डले बामपन्थी गठबन्धनले कांग्रेसलाई एकतावद्द हुन सहयोग पुगेको बताएका छन् कास्कीको लेखनाथमा लेखनाथ साना शहरी खानेपानीको अधिवेशन उद्घाटन गर्दै अध्यक्ष प्रचण्डले भने, ‘हामी वैचारिक आस्था र आफ्नो राजनीतिक मान्यताभित्र रहेर बामपन्थीहरुको तालमेल र एकताको प्रयास गरेका छौं । यसले देशको राजनीतिक स्थिरता र समृद्धिमा सहयोग नै पुगेको छ । हाम्रो तालमेलपछि नेपाली कांग्रेसका नेताहरु पनि सक्रिय हुनुभएको छ । बामपन्थीहरुको तालमेलले कांग्रेसलाई एकतावद्द हुन सहयोग नै पुगेको छ । अब देशमा धेरै दलको अस्तित्व रहँदैन । विचार मिल्ने शक्तिहरुको राजनीतिक ध्रुवीकरण र एकताको प्रकिया तिब्र बनेर जान्छ ।’ बाम गठबन्धन लोकतान्त्रिक प्रकियाबाटै अघि बढ्ने उनले स्पष्ट पारे । अध्यक्ष प्रचण्डले भने, ‘माओवादी र एमालेको तालमेलपछि राजनीतिमा नयाँ तरङ्ग आएको छ । कतिपय साथीहरुले लोकतन्त्र नै धरापमा पर्याे, अधिनायकवाद जन्मन्छ, साम्यवाद आई नै सक्यो जस्ता प्रचार गर्न थाल्नुभएको छ । त्यो कुरा बिल्कुलै सत्य होइन । हामीले मिलेरै संविधान बनाएका छौं । जसले जिते पनि संविधानको कार्यान्वयन गर्ने हो, संविधानको दायरा भित्र रहेर राजनीतिक प्रतिस्पर्धा गर्ने हो ।’‘गीरिजा बाबूलाई कांग्रेसले हार्दैछ भन्ने थाहा थियो । तैपनि उहाँले संविधान सभाको चुनाव गराउनु भयो, देशले जित्यो । स्थानीय तहको निर्वाचन गर्ने बेला म प्रधानमन्त्री थिएँ’, अध्यक्ष प्रचण्डले भने, ‘माओवादी पहिलो हुँदैन भन्ने मलाई राम्रोसँग थाहा थियो । माओवादी जित्ला वा नजित्ला भन्ने मलाई बिल्कुलै सरोकार थिएन । देशले जित्नुपर्छ भन्ने सोच राखें, चुनाव भयो । चुनावमा माओवादी त तेस्रो भयो । तर, देश पहिलो भयो । अहिले हामी निर्वाचनको सङ्घारमा छौं । मेरो पार्टीले जित्छ कि हार्छ भन्ने चिन्ता नगरौं, चुनाव गरौं र देशलाई जिताऔं ।’कार्यक्रममा अध्यक्ष प्रचण्डले पानी नै अहिलेको विश्वमा बहुमूल्य सम्पत्ति भएकोमा जोड दिँदै लेखनाथको खानेपानी आयोजनाको विकास र बिस्तारमा आफ्नो सधैं साथ रहने बताए ।

प्रकाशित मिति: २०७४,कार्तिक,१०,शुक्रवार १४:४७

प्रतिक्रिया दिनुहोस !
सम्बन्धित खबरहरु

काठमाडौं । प्रविधिको विकाससँगै पछिल्लो समय आर्टिफिसियल इन्टेलिजेन्स (एआई) प्रविधिले आगामी दिनमा शिक्षा, स्वास्थ्य, वातावरण, कृषिदेखि अन्तरिक्ष अन्वेषणसम्मका क्षेत्रमा मानिसहरुलाई

गोदावरी । मुलुकको सबैभन्दा ठूलो दल नेपाली कांग्रेसको महासमिति बैठकमा आजदेखि समूहगत छलफल सुरू हुँदैछ । ललितपुरको गोदावरीमा सोमबार उद्घाटन

काठमाडौं । नेपाली कांग्रेसका केन्द्रीय सदस्य प्रदीप पौडेलले पार्टीलाई पूर्णरुपमा ‘मास बेस्ड’ डिजिटल पार्टी बनाउन संकल्प गर्नुपर्ने बताएका छन् ।

काठमाडौं । नेपाली कांग्रेसको महासमिति बैठकमा वैदिक सनातन हिन्दूराष्ट्र स्थापना अभियान सञ्चालन गरिरहेका नेताहरु सभापति शेरबहादुर देउवाको निवास पुगेका छन्

ताजा समाचार

नामिवियाको सातौँ विकेट पनि पतन
 २०८०,फाल्गुन,९,बुधबार १४:३६
रुकुममा एकजना मृत अवस्थामा फेला
 २०८०,फाल्गुन,९,बुधबार १४:२७
नामिवियाको पाँचौँ विकेट पनि पतन
 २०८०,फाल्गुन,९,बुधबार १३:५५
नामिवियाले गुमायो चौथो विकेट
 २०८०,फाल्गुन,९,बुधबार १३:३७
नामिवियाले गुमायो तेस्रो विकेट
 २०८०,फाल्गुन,९,बुधबार १३:२२
नामिवियाको पहिलो विकेट पतन
 २०८०,फाल्गुन,९,बुधबार १२:३७