अवैध लागूऔषधसहित एक जना पक्राउ

काठमाडौं । अवैध लागूऔषध ब्राउनसुगर जस्तो देखिने पदार्थ सहित एक जनालाई प्रहरीले पक्राउ गरेको छ ।

अदचन्दननाथ नगरपालिका ५ बाट अवैध लागूऔषध ब्राउनसुगर जस्तो देखिने पदार्थ करिब १ सय मिलिग्रामसअवैध लागूऔषधसहित तपेन्द्र बुढाथापालाई बिहीबार दिउँसो प्रहरीले पक्राउ गरेको  हाे  ।

गुठीचौर गाउँपालिका ३ बस्ने १९ वर्षीय  बुढाथापालाई जिल्ला प्रहरी कार्यालय जुम्लाबाट खटिएको प्रहरीले पक्राउ गरेको हो ।

प्रहरीले तलासी लिने क्रममा तपेन्द्रको साथमा रहेको प्लाष्टिकले बेरेको पुरिया मुखमा हाली निलेकोले बुढाथापालाई नियन्त्रणमा लिईएको   छ ।

कर्णाली स्वास्थ्य बिज्ञान प्रतिष्ठान जुम्लामा लगि उपचार गराउने क्रममा ४ वटा पुरियामा रहेको उक्त पदार्थ निकालिएको हो ।

यस सम्बन्धमा प्रहरीले आवश्यक अनुसन्धान गरिरहेको छ ।